Сапожников Геннадий Игнатьевич

Википедири материал

Сапожников Геннадий Игнатьевич, — чăваш ăсчахĕ. 1933 çулхи чӳк уйăхĕн 1-мĕшĕнче Хирлеппуç Мĕлĕш ялĕнче çуралнă. 2003 çулта Мускавра вилнĕ.

[тӳрлет] Пурнăçĕ

Геннадий Сапожников 1951 çулта Элĕкри И. Я. Яковлев ячĕллĕ вăтам шкултан, 1956 çулта Хусанти Н.Э. Бауман ячĕллĕ Ветеринари Институтĕнчен питĕ лайăх паллăсемпе вĕренсе тухнă. Виçĕ çул Казахстанра ветеринари тухтарĕ, çичĕ çул Канаш районĕнчи Ямаш ялĕнче ветучасток заведующийĕнче, Тăвай районĕн тĕп ветеринари врачĕ пулса, республикăри ветеринари лабораторийĕн эпизоотологи уйрăмĕн заведующийĕнче ĕçленĕ. 1965-1967 çулсенче Пĕтĕм Раççейри К.И. Скрябин ячĕллĕ Гельмонтологи Ăслăлăх Тĕпчев Институчĕн (ВИГИС) аспиратуринче вĕренет. 1967-1968 çулсенче ВИГИСăн наукăн кĕçĕн, хыççăн аслă сотрудникĕ пулса тăрать.

1978-1993 çулсенче – пулă чирĕсен лаборатори заведующийĕ.

1994-2001 çулсенче Раççей Ял хуçалăх министерствин ветврач-ихтиопаталогĕ.

2001 çултанпа ВИГИСăн наука сотрудникĕ.

[тӳрлет] Ĕçĕсем

Г.И. Сапожников 312 ăслăлăх ĕçне çырнă. Пилĕк кĕнеке пичетлесе кăларнă, 18 изобретенипе 3 рационализаторла сĕнӳ авторĕ, 30 нормăпа техника докуменчĕсем туса хатĕрленĕ.

[тӳрлет] Хисепĕсем

Геннадий Игнатьевича «Ĕç ветеранĕ», «Мускав 850 çул тултарнă ятпа» медальсемпе, «Раççей пулă хуçалăхĕн хисеплĕ ĕçченĕ» паллăпа, К.И. Скрябин академик çуралнăранпа 100 çул çитнине хисеплесе кăларнă медальпе, ВДНХăн 5 кĕмĕл медалĕпе чысланă. Биологи наукисен докторне хамăр çĕршывра та, чикĕ леш енче те лайăх пĕлеççĕ.