Чăваш Ен ялавĕ

Википедири материал

Чăваш Енĕн патшалăх ялавĕ тăваткал пир, енĕсем 5:8 пек пулаççĕ. Ялавăн тĕп палли — «Пурнăç йывăççи» — чăваш халăхĕн вăрăм кун-çӳлĕн палли. Тĕксĕм-хĕрлĕ тĕс пирĕн халăх яланах ирĕклĕхе талпăннине кăтартать, çакă ĕнтĕ халахăн авалхи йăла-йĕркисене, чăвашсен хамăрлăхне питĕ витĕмлĕ палăртать. Ялкăш-сарă тĕс — пĕтĕм тĕнчене пурнăç хаваллакан Хĕвел тĕсĕ. Сакăркĕтеслĕ çăлтăр — чăваш орнаментĕнче питĕ анлă саралнă символ, вăл илемлĕхе тата вĕçĕмлĕ ĕçе пĕлтерет.

Ялав авторĕ — Чăваш Енĕн халăх ӳнерçи Элли Михайлович Юрьев.

Тупмалли 1 Истори 1.1 1927—1936 1.2 1936 1.3 1937 1.4 1954 1.5 1978 1.6 Халлĕхи варианчĕ 2 Çавăн пекех пăхăр 3 Каçăсем

[тӳрлет] Истори

1920 çулхи çĕртме уйăхĕн 24-мĕшĕнче ВЦИКпа СНК РСФСР декречĕпе Чĕмпĕр кĕпернипе Хусан кĕпернин темиçе уесĕсене пĕрлештерсе Чăваш автономлă облаçне йĕркеленĕ, тĕп хули ятне Шупашкара панă. 1925 çулхи ака, 21 облаç статусĕнчен Чăваш АССРне хăпартнă. 1927 çулхи пуш, 31 II Пĕтĕмчăваш Совечĕсен съезчĕ республика гербне йышăннă, çавăн пекех ялава та йышăннă.

[тӳрлет] 1927—1936

[тӳрлет] 1936

[тӳрлет] 1937

[тӳрлет] 1954

[тӳрлет] 1978

[тӳрлет] Халлĕхи варианчĕ

1990 çулхи юпа, 19 республика ятĕнчен «автономлă» сăмаха пăрахăçланă, юпа, 24 çĕнĕ ята (статуса) палăртнă — Чăваш Республики. Чăваш Енĕн Аслă Канашĕ республика суверенитечĕ пирки пĕлтернĕ. Çакăн хыççăнах нацин çĕнĕ символĕсене хатĕрлес шутпа ăмăрту (конкурс) пуçарнă, анчах та унченех комиссине 100 ытла проектсем ярса панă пулнă. 1992 çулхи ака, 29 Аслă Канаш Йышăнăвĕпе Чăваш республикин ялавĕн Йĕркине çирĕплетнĕ. Çĕнĕ ялав çинчен тĕплĕнех Йĕркен 2-мĕш статьинче вулвмв пулать. Çавăн чухнех Конституцин статьисене те улшăнусем кĕртнĕ.

Герб тата ялав Чăваш Республикин 1997 çулхи утă, 1 «Чăваш Республикин патшалăх символĕсем» саккунĕнче çирĕплетсе палăртнă.

[тӳрлет] Çавăн пекех пăхăр

• Чăваш Ен гимнĕ
• Чăваш Ен гербĕ

[тӳрлет] Каçăсем

• Чăваш Ен ялавĕ youtube'ри фильм. Чăваш Ен ялавĕ мĕне пĕлтернине кăтартать.
• Чăваш Ен ялавĕ çинчен, питĕ тĕпленрех геометри кăтартни