Pont Howrah
Oddi ar Wicipedia
Mae Pont Howrah yn bont enfawr sy'n rhychwantu Afon Hooghly yn Calcutta, Gorllewin Bengal, yn India.
Pont gantilifer 450 medr ydyw sy'n croesi'r afon fawr mewn un rhychwant hir. O ran ei maint mae'n debyg i bont harbwr Sydney. Fe’i hadeiladwyd yn 1943 i gymryd lle’r hen bontŵn a oedd yn medru agor i adael llongau trwodd. Dywedir bod 60,000 o gerbydau yn ei chroesi bob dydd ac mae’n gallu bod yn lle prysur iawn yn ystod yr oriau brys; yn wir, yn ôl rhai awdurdodau hon yw’r bont brysuraf yn y byd. Yn ogystal â'r ceir a bysus mae degau o filoedd o bobl yn ei chroesi ar droed bob dydd.
Ar lan orllewinol yr afon mae'r bont yn arllwys ei thraffig i'r sgwâr prysur o flaen gorsaf Howrah. Gerllaw mae'r hen longau fferi yn dal i croesi'n ôl ac ymlaen o Howrah Ghat.
