Tim Rishton

Oddi ar Wicipedia

Y mae Tim Rishton yn gerddor (organydd), awdur a darlledwr.

A'i haniadau ym Môn (bu'r teulu'n cadw gefail Tregain gerllaw Llangefni) cafodd Rishton ei eni yng Ngogledd Lloegr.

Ar ôl iddo astudio gyda'r organyddes enwog o Awstria Susi Jeans, dychwelodd i Fôn yn yr 1980au yn Organydd Caergybi ac yn diwtor yng Ngholeg Prifysgol Gogledd Cymru ym Mangor, lle y cymerodd gradd doethur (PhD) mewn cerddoriaeth. Yn ogystal â chyngerddau yng Nghymru ac ar dramor, dechreuodd Rishton ddarlledu a recordio - gan gynnwys cydweithio gydag Aled Jones i wneud rhaglenni HTV a recordiad gyntaf Aled ("Hear my Prayer" a gyhoeddwyd gan Sain).

Symudodd wedyn i Norwy a gweithio yn Athro yng Ngholeg Prifysgol Tromsø a swyddog cerddoriaeth yn Esgobaeth Gogledd Hålogaland. Y mae erbyn hyn hefyd yn Gyfarwyddwr astudiaethau cerddoriaeth gydol oes ym Mhrifysgol Gaerhirfryn, ond y mae o hyd yn aelod yng Ngorsedd y Beirdd a Llys yr Eisteddfod.

Y mae wedi ysgrifenni sawl llyfr ac erthyglau llawer, y rhan fwyaf ohonynt wedi eu hysgrifennu yn Norwyeg. Mae ar hyn o bryd yn ysgrifennu llyfr newydd am gerddoriaeth 1400-1800 ar gyfer gwasg yn Norwy ond y mae hefyd llyfr mewn Cymraeg ar y gweill. Cyhoeddwyd hefyd nifer o recordiadau; cerddoriaeth gynnar yn arbennig.

Y mae'n ymddiddori'n arbennig mewn cerddoriaeth mewn eglwysi a chapeli pentref, ac mae well ganddo roi cyngherddau mewn pentrefi nac mewn dinasoedd a neuaddau cyngerdd mawrion. Y mae ei ddatganiadau organ a'i recordiadau'n dra boblogaidd yn yr Almaen ac yn Norwy ond y mae'n weithgar ledled Ewrop a'r Unol Daleithiau.

Gan iddo gredu na dylai cerddoriaeth fod yn destun cystadleuaeth, nid yw Tim yn cymryd rhan i gystadleuthau.

[golygu] Gweler hefyd

• International Who's Who in Music (11th edition) (Cambridge, 1988), p.774
• Biwgraffiad yng nghylgrawn Romsdals Budstikke 19 Awst 1995, 16-17
• Biwgraffiad yng nghylgrawn Åndalsnes Avis, 5 Chwefror 1994, 8-9
• Tim Rishton, Joyful Noise? The Why, What and How of music in church. Rhagair gan George Carey. Skipton: Holy Trinity Press, 2006
• Tim Rishton, Liturgisk orgelspill. Stavanger: Cantando, 1996

[golygu] Cysylltiadau allanol

• http://www.rishton.info/cymraeg.html (safle we swyddogol)
• http://ans.hsh.no/home/tr/
• http://www.orgues-et-vitraux.ch/default.asp/2-0-1415-11-6-1/