Хенри Форд

Од Википедија, слободна енциклопедија

Хенри Форд (1919)

Хенри Форд (30 јули, 1863 – 7 април, 1947) е основач на компанијата Форд Мотор и претставува татко на модерната лента за склопување која се користи за масовна продукција. Неговиот Модел Т ги револуционирал транспортот и американската индустрија. Како единствениот власник на компанијата, тој станал еден од најбогатите и најпознатите луѓе на светот. Форд го измислил Фордизмот, т.е., масовната продукција на голем број на евтини автомобили со користење на лента за склопување и со високи плати за неговите работници (пет долари на ден во 1914). И покрај тоа што Форд не бил многу образован, тој имал глобална визија и ја гледал потрошувачката како клучен фактор за мир. Тој бил еден од водечките пацифисти во Првата Светска војна, но, ја пренаменил својата компанија да произведува воени материјали и во двете светски војни. Неговата силна волја да ги намали трошоците за продукција на автомобили довело до низа експерименти и иновации; една од неговите идеи била да се создаде систем базиран на концесии (англиски: „franchise“) со кој се креирале продажни центри во сите градови во Северна Америка и во поголемите градови на шест континенти. Неговиот главен конкурент, Џенерал Моторс сепак го престигнал Форд во 1920-тите бидејќи почнал да им нуди многу повеќи можности на потрошувачите. Потрошувачите имале избор кога станува збор за моќ, престиж и стил на автомобилот како и најразлични можности за кредит. Форд го оставил најголемиот дел од неговото богатство на Форд Фондацијата, но, исто направил неговата фамилија да може пермнанентно да ја контролира компанијата.