കായംകുളം
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ ആലപ്പുഴ ജില്ലയിലെ ഒരു പുരാതനമായ പട്ടണമാണ് കായംകുളം. ആലപ്പുഴയില്‍ നിന്നും കൊല്ലത്തു നിന്നും ഏകദേശം ഒരേ ദൂരമാണ് കായംകുളത്തിന്. കേരളത്തിന്റെ മറ്റു ഭാഗങ്ങളുമായി റെയില്‍, റോഡ് എന്നിവ വഴി കായംകുളം ബന്ധിക്കപ്പെട്ടിരിക്കുന്നു. മലയാളത്തിലെ കായം, കുളം എന്നീ വാക്കുകള്‍ ചേര്‍ന്നാണ് കായംകുളം എന്ന പേര് ഉണ്ടായത്. കയര്‍, മത്സ്യബന്ധനം, വിനോദസഞ്ചാരം എന്നിവയ്ക്ക് പ്രശസ്തമാണ് കായംകുളം. കേരളത്തിലെ കായലോര പട്ടണങ്ങളില്‍ പ്രധാനപ്പെട്ട ഒന്നാണ് കായംകുളം. കേരളത്തിലെ ഏറ്റവും വലിയ വൈദ്യുതി നിലയങ്ങളില്‍ ഒന്നായ ദേശീയ താപ വൈദ്യുതി കോര്‍പ്പറേഷന്‍ (നാഷണല്‍ തെര്‍മ്മല്‍ പവര്‍ കോര്‍പ്പറേഷന്‍) കായംകുളത്താണ് സ്ഥാപിച്ചിരിക്കുന്നത്.
കേരളത്തിന്റെ റോബിന്‍ ഹുഡ് എന്നു വിളിക്കാവുന്ന കായംകുളം കൊച്ചുണ്ണിയുടെ ജന്മസ്ഥലമാണ് കായംകുളം. 19-ആം നൂറ്റാണ്ടിലായിരുന്നു കായംകുളം കൊച്ചുണ്ണി ജീവിച്ചിരുന്നത് എന്നു കരുതപ്പെടുന്നു. കായംകുളം കൊച്ചുണ്ണിയുടെ വീരപരാക്രമങ്ങള്‍ കേരളത്തില്‍ പ്രശസ്തമാണ്. [1]
ഉള്ളടക്കം |
[തിരുത്തുക] കൃഷ്ണപുരം കൊട്ടാരം
കായംകുളത്തെ ഒരു പ്രധാന വിനോദസഞ്ചാര ആകര്‍ഷണമാണ് കൃഷ്ണപുരം കൊട്ടാരം. ദേശീയപാത 47-ല്‍ കായംകുളംത്തുനിന്നും ഓച്ചിറയിലേക്ക് പോകുന്ന വഴി കായംകുളം പട്ടണത്തില്‍ നിന്നും 400 മീറ്റര്‍ അകലെയാണ് കൃഷ്ണപുരം കൊട്ടാരം. പുരാവസ്തുവകുപ്പ് ആണ് ഈ കൊട്ടാരം കാത്തുസൂക്ഷിക്കുന്നത്. കൊട്ടാരവും തിരുവിതാംകൂര്‍ മഹാരാജാവായിരുന്ന മാര്‍ത്താണ്ഡവര്‍മ്മയുടെ സ്വത്തുക്കളും പൊതുജനങ്ങള്‍ക്കായി പ്രദര്‍ശനത്തിനു തുറന്നുകൊടുത്തിരിക്കുന്നു. കൊട്ടാരത്തിനുള്ളിലെ വലിയ കുളം പ്രശസ്തമാണ്. ഈ കുളത്തിന്റെ അടിയില്‍ നിന്നും മഹാരാജാവിന് ശത്രുക്കളില്‍ നിന്ന് രക്ഷപെടാനായി ഉള്ള ഒരു ഭൂഗര്‍ഭ രക്ഷാമാര്‍ഗ്ഗം ഉണ്ടെന്നാണ് കേട്ടുകേള്‍വി.
[തിരുത്തുക] കെ.പി.എ.സി, കായംകുളം സപര്യ
കെ.പി.എ.സി കേരളത്തിലെ ഏറ്റവും പ്രശസ്തമായ നാടക കമ്പനിയാണ്. കേരളല്‍ കമ്യൂണിസ്റ്റ് പാര്‍ട്ടികളെ അമ്പതുകളില്‍ അധികാരത്തില്‍ എത്തിച്ചതില്‍ "ഭാഗ്യനക്ഷത്രം", "നിങ്ങളെന്നെ കമ്യൂണിസ്റ്റാക്കി" തുടങ്ങിയ നാടകങ്ങള്‍ക്കും "ബലികുടീരങ്ങളെ" തുടങ്ങിയ പ്രശസ്ത നാടക ഗാ‍നങ്ങള്‍ക്കും ഒരു വലിയ പങ്കുണ്ടെന്നു പറയാം. കായംകുളം പട്ടണത്തിന് ഏതാണ്ട് രണ്ടു കിലോമീറ്റര്‍ തെക്കായി ആണ് കെ.പി.എ.സി യുടെ ഓഫീസ്.
[തിരുത്തുക] കായംകുളത്ത് എത്തിച്ചേരുവാനുള്ള വഴി
- തിരുവനന്തപുരം അന്താരാഷ്ട്ര വിമാനത്താവളത്തില്‍ നിന്നും ഏകദേശം 100 കി.മീ അകലെയായി ദേശീയപാത 47-ല്‍ ആണ് കായംകുളം പട്ടണം.
- നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ നിന്നും ഏകദേശം 130 കി.മീ അകലെയാണ് കായംകുളം.
- കായംകുളം റെയില്‍‌വേ സ്റ്റേഷന്‍ ഠൌണില്‍ നിന്ന് ഏകദേശം 1.5 കി.മീ അകലെയാണ്. എറണാകുളം, കോട്ടയം, ആലപ്പുഴ, കൊല്ലം, തിരുവനന്തപുരം ഭാഗത്തുനിന്നുള്ള മിക്കവാറും എല്ലാ ട്രെയിനുകളും കായംകുളത്ത് നിറുത്തും.
- കായംകുളം ബസ് സ്റ്റാന്റ് ഒരു പ്രധാന ബസ് സ്റ്റാന്റാണ്. തിരുവനന്തപുരത്തുനിന്നും എറണാകുളത്തേക്കു പോകുന്ന എല്ലാ ബസ്സുകളും ഇവിടെ നിര്‍ത്തും.
[തിരുത്തുക] ഉത്സവങ്ങള്‍
എല്ലാ വര്‍ഷവും ഓച്ചിറ ക്ഷേത്രത്തില്‍ ഓച്ചിറ വൃശ്ചികം ഉത്സവം ആഘോഷിക്കുന്നു.
എല്ലാ വര്‍ഷവും കുംഭമാസത്തില്‍ നടക്കുന്ന ചെട്ടിക്കുളങ്ങര കുംഭ ഭരണി ഉത്സവം ഓച്ചിറയില്‍ നിന്നും സമീപ പ്രദേശങ്ങളില്‍ നിന്നും കേരളത്തിന്റെ പല ഭാഗങ്ങളില്‍ നിന്നും ഒരുപാട് ഭക്തജനങ്ങള്‍ തടിച്ചുകൂടുന്ന ഒരു ഉത്സവമാണ്. ആഘോഷപൂര്‍വ്വം കൊണ്ടാടുന്ന ഈ ഉത്സവം തെക്കിന്റെ കുംഭമേള എന്ന് അറിയപ്പെടുന്നു.
[തിരുത്തുക] അനുബന്ധം
- ↑ ഐതീഹ്യമാല, കൊട്ടാരത്തില്‍ ശങ്കുണ്ണി
 |
കേരളത്തിലെ സ്ഥലങ്ങളുമായി ബന്ധപ്പെട്ടുള്ള ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
Template:Coor title dm
