പൃഥ്വിരാജ്

വിക്കിപീഡിയ, ഒരു സ്വതന്ത്ര വിജ്ഞാനകോശം.

പൃഥിരാജ്

മലയാള ചലച്ചിത്രരംഗത്ത് വളര്‍ന്നു വരുന്ന യുവനായക നടനാണ് പ്രിഥ്വിരാജ്, തമിഴ് ചലച്ചിത്രങ്ങളിലും അഭിനയിച്ചു‍ തുടങ്ങിയിരിക്കുന്നു. 1983ല്‍ ജനനം. അന്തരിച്ച പ്രശസ്ത നടന്‍ സുകുമാരന്റെ മകനാണ് ഇദ്ദേഹം, മാതാവ് നടി മല്ലിക സുകുമാരന്‍. പൃഥ്വി എന്നും രാജു എന്നും വിളിപ്പേരുകളുണ്ട്. നടന്‍ ഇന്ദ്രജിത്ത് സഹോദരനാണ്.

തിരുവനന്തപുരം സൈനിക് സ്കൂളിലും ഭാരതീയ വിദ്യാഭവനിലും പഠനം പൂര്‍ത്തിയാക്കിയശേഷം ഓസ്ട്രേലിയയില്‍ വിവര സാങ്കേതിക വിദ്യയില്‍ ബിരുദ കോഴ്സിനു ചേര്‍ന്നു. കോഴ്സ് പൂര്‍ത്തികരിക്കുന്നതിനു മുന്പ് സിനിമയിലെത്തി. 2002-ല്‍ രഞ്ജിത്ത് സംവിധാനം ചെയ്ത നന്ദനം ആയിരുന്നു ആദ്യ ചിത്രം. സാങ്കേതിക കാരണങ്ങള്‍ മൂലം ഈ ചിത്രത്തിന്‍റെ റിലീസ് വൈകി. നക്ഷത്രക്കണ്ണുള്ള രാജകുമാരന്‍ അവനുണ്ടൊരു രാജകുമാരി, സ്റ്റോപ്പ് വയലന്‍സ്എന്നിവക്കുശേഷണാണ് നന്ദനം പുറത്തിറങ്ങിയത്.

പൃഥ്വിരാജിന്‍റെ താരമൂല്യം പെട്ടെന്നാണ് ഉയര്‍ന്നത്. ആകാര സൗഷ്ഠവവും അഭിനയശേഷിയും സംഘടന രംഗങ്ങളിനെ മികവും ഒത്തിണങ്ങിയ ഈ നടന്‍ ഭാവിയിലെ സൂപ്പര്‍താരമാകുമെന്ന് സിനിമാ ലോകം വിലയിരുത്തി. തുടര്‍ന്ന് ഒട്ടേറെ ചിത്രങ്ങളില്‍ വേഷമിട്ടെങ്കിലും പൂര്‍ണമായും സ്വന്തമെന്ന് പറയാവുന്ന ഒരു സൂപ്പര്‍ ഹിറ്റ് ചിത്രം ഇനിയും ഉണ്ടായില്ല.

സിനിമാ താരങ്ങളുടെ സംഘടനയായ അമ്മയും ചലച്ചിത്ര വ്യവസായികളുടെ സംഘടനകളും തമ്മില്‍ 2004-ല്‍ രൂക്ഷമായ അഭിപ്രായ വ്യത്യാസമുണ്ടായ വേളയില്‍ തിലകന്‍, ലാലു അലക്സ്, സുരേഷ് കൃഷ്ണ തുടങ്ങിയ താരങ്ങള്‍ക്കൊപ്പം വിമത ചേരിയില്‍ നിലയുറപ്പിച്ച് പൃഥ്വിരാജ് വാര്‍ത്തകളില്‍ ഇടംപിടിച്ചിരുന്നു. വിമതരെ അണിനിരത്തി വിനയന്‍ സംവിധാനം ചെയ്ത സത്യം എന്ന ചിത്രത്തില്‍ നായകനും പൃഥ്വിയായിരുന്നു.