Opossum nanu mistur ta' żaqqu ħamra

Minn Wikipedija, l-enċiklopedija ħielsa.

Opossum nanu mistur ta' żaqqu ħamra

Scientific classification

Renju:	Animalia
Fajlum:	Chordata
Klassi:	Mammalia
Sottoklassi:	Theria
Infraklassi:	Metatheria
Superordni:	Ameridelphia
Ordni:	Didelphimorphia (Gill,1872)
Familja:	Didelphidae (Gray,1821)
Sottofamilja:	Didelphinae (Gray,1821)
Ġeneru:	Cryptonanus (Voss et al.,2005)
Speċi:	C. ignitus

Isem binominali

Cryptonanus ignitus
(Díaz, Flores & Barquez, 2002)

Firxa ta' l-Opossum nanu mistur ta' żaqqu ħamra Cryptonanus ignitus

L-Opossum nanu mistur ta' żaqqu ħamra jew Opossum grazzjuż ta' żaqqu ħamra, magħruf xjentifikament bħala Cryptonanus ignitus, huwa mammiferu marsupjal, tat-tribù Thylamyini, fil-familja Didelphidae (didelfidu), fl-ordni Didelphimorphia (didelfimorfju) u huwa wieħed mill-opossumi nani mistura, nativ tal-kontinent ta' l-Amerika ta' isfel.

Dan l-opossum nanu mistur huwa marsupjal b' abitudni notturna (attiv bil-lejl) b' attivita minima matul il-ġurnata. Cryptonanus ignitus jgħix f' abitat ta' foresti tax-xita kemm subtropikali kif ukoll tropiklai umdi tal-muntanji. Dan huwa mammiferu primarjament arborju (jgħix fis-siġar), għalkemm jingħżel ma' l-art biex jiekol xi frott u jikaċċa.

Dan il-marsupjal ġie skopert xjentifikament fl-2002, għandu l-pil ta' taħt żaqqu fin ta' lewn oranġjo fil-ħamrani u huwa ta' daqs kemxejn akbar mil-Opossum nanu mistur ta' Chacoan li kien maħsub li huma l-istess speċi.

[editja] Dieta

L-Opossum nanu mistur ta' żaqqu ħamra huwa marsupjal b' dieta omnivora, u tikkonsisti minn frott, insetti u annimali vertebrati u invertebrati żagħar oħra.

[editja] Distribuzjoni

Cryptonanus ignitus huwa speċi b' distribuzjoni żgħira ħafna (l' iżgħar fost l-ispeċi fil-ġeneru Cryptonanus) u jinsab jgħix fil-lokalita ta' Yuto biss, fil-kontinent ta' l-Amerika ta' isfel, fit-Tramuntana tal-Arġentina, fil-provinċa ta' Jujuy u b' hekk huwa speċi endemika ta' din il-provinċa u tal-Arġentina.

[editja] Klassifikazjoni

Ordni Didelphimorphia
- Superfamilja Didelphoidea
  - Familja Didelphidae
    - Sottofamilja Didelphinae
      - Tribù Thylamyini
        
        Ġeneru Cryptonanus
        
        Opossum nanu mistur ta' żaqqu ħamra, Cryptonanus ignitus

[editja] Sinonimi

"Gracilinanus chacoensis ignitus" u "Gracilinanus ignitus" huma sinonimi jew l-istess bħal u jirreferu għal Cryptonanus ignitus ta' Díaz, Flores & Barquez, 2002.

[editja] Referenzi

Díaz, M.M., Flores, D.A. & Barquez, R.M. 2002. A New Species Of Gracile Mouse Opossum (Didelphimorphia: Didelphidae), From Argentina. Journal of Mammalogy 83(3):824-833, August 2002.
Voss, R.S., Lunde, D.P. & Jansa, S.A. 2005. On the Contents of Gracilinanus Gardner & Creighton, 1989, with the Description of a Previously Unrecognized Clade of Small Didelphid Marsupials. American Museum Novitates 3482:1-34, 25 juli 2005. Tista tara il- fajl hawn.