Blood
From Wikipedia
Dat Blood is, wat in de Aderns fleet. Dat Hart pumpt dat Blood dör de Aderns un dormit dör all de Organens. Dat Blood is root bi de Wirbelbeester un ok bi den Minschen. De Suurstoff, dat Kohlendioxid un de Nährstoffens ward vun dat Blood in den Körper verdeelt.
Dat Blood is nich bloots Water. Dor sünd binnen:
- Rode Bloodkörpers. De kiekt ut as so een Schötel un hebbt keen Kern. Obers dorför Hämoglobin, wat de roode Farv utmookt un den Suurstoff un dat Kohlendioxid opnimmt.
- Witte Bloodkörpers. Dor gifft dat 'n ganzen Slag vun Oorten. De sünd so een Oort Udls för den Körper un maakt Krieg tegen de Bakteriens un Virens, de uns krank mookt.
- Bloodplattken. De sünd bannig lütt un sörgt dorför, dat een Wunn, de wi hebbt, wedder tosluten ward.
- Bloodplasma, wat ut Water un Protein un anner Saken tosamensett is. Hett bi den Minschen 0,7% Solt.
