Dancer in the Dark
From Wikipedia
| Filmdaten | |
|---|---|
| Originaltitel: | Dancer in the Dark |
| Düütsch Titel: | Dancer in the Dark |
| Produkschoonsland: | Däänmark, Düütschland, Nedderlannen, USA, Frankriek |
| Johr vun’t Rutkamen: | 2000 |
| Läng: | 140 Minuuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Lars von Trier |
| Dreihbook: | Lars von Trier |
| Produkschoon: | Vibeke Windeløv |
| Musik: | Björk |
| Kamera: | Robby Müller |
| Snitt: | François Gédigier, Molly Marlene Stensgård |
| Dorstellers | |
|
|
Dancer in the Dark (översett: Danzer[sche] in'n Düüstern) is en Film vun Lars von Trier ut dat Johr 2000.
De Speelbaas vermengeleer hier den däänschen Dogma-Film mit Stilmiddels vun't US-amerikaansche Musical in de 1950er un 1960er Johren.
Lars von Trier dreih „Dancer in the Dark“ as drütt Film in siene Golden-Heart-Trilogie. De eersten beiden Filmen vun de Trilogie weren Breaking the Waves un The Idiots.
[Ännern] Afloop
Amerika in de 1960er Johren. De tschechsche Inwannersche Selma droht blind to warrn.
Ehr eenzig Troost is de Welt vun de Musicals, in de se sik geern rindröömt, „denn in Musicals kümmt nienich slimme Saken vör“. Dormit ehr teihn Johr oolt Söhn, de ehr Krankheit arvt hett, nich dat glieke Schicksal as se verleven mutt, arbeid Selma Dag un Nacht in en Metallfabrik, dat Geld för ene Ogenoperatschoon för ehren Söhn to verdenen. Ut Schaam un Stolt seggt se dat aver sülvst ehre engen Frünnen Jeff un Kathy nich.
Eenzig ehren Vermeder un Naver, enen Gendarmen, vertroot se ehr Geheemnis an, nodem he togeven hett, dat he för den Levensstil vun sien Wief hoge Schullen maakt hett. He bidd Selma, em Geld to lehnen, doch se seggt nee.
Üm mehr Geld to verdenen maakt Selma toletzt blangen de Dagschicht ok noch Nachtschichten in de Fabrik, wo se wegen ehr Sehvermögen, dat jümmer slechter warrt, ene Maschien beschädigt un rutschmeten warrt. Later finnt Selma de Doos, in de se ehr Geld versteckt harr, lerrig vör. Se löppt to ehren Naver un föddert ehr Geld trüch. Sien Fro süht de beiden üm dat Geld ringen un glöövt, Selma wull ehren Mann sien Vermögen stehlen. In'n Trobel lööst sik en Schööt ut siene Deenstpistool. De Gendarm brickt swoor sehrt tosamen un fleht Selma an, em nich liggen to laten un em redig ümtobringen.
Selma, middewiels blind worrn, warrt fastnahmen un wegen Moord anklaagt. Se warrt to de Doodsstraaf veroordeelt. Jeff un Kathy kriggt rut, dat dat Geld för de Operatschoon för ehren Söhn is. Vun dat Geld engascheert de beiden en ne'en Afkaat, de ehren Perzess nee oprullen schall. Aver Selma lehnt af, denn wenn ehr Söhn nich opereert warrt, warrt he blind.
[Ännern] Utteknen
- Palme d'Or 2000
- Best Film
- Beste Dorstellersche: Björk
- Europääsch Filmpries (Felix) 2000
- Best Film
- Beste Hööftdorstellersche: Björk
- Spaansch Filmpries: Best europääsch Film
- Oscar 2001: Nomineert Best Filmleed: Björk
- Golden Globe 2001
- Nomineert Best Filmleed: Björk
- Nomineert Beste Hööftdorstellersche: Björk
[Ännern] Weblenken
- Dancer in the Dark in de Internet Movie Database
- Websteed vun’n Film (engelsch)
