Ehud Olmert

From Wikipedia

Ehud Olmert (* 30. September 1945 in Binyamina) is en israelschen Politiker.

He stammt ut en russisch Inwandererfamilie. Sein Vader is in China upwussen. Van de hebräisch Universität in Jerusalem hett he Afslooten in Psychologie, Philosophie un Jura. He hett ok sülvst as Advkaat praktizeert.

Olmert is mit de Künstlersch Alisa Olmert verheiraad und hett 4 Kinner. He snakkt hebräisch und engelsch.

1973 hebbt se hüm för de Likud to’n ersten Mal in Knesset wählt und he es denn söss Mal noeinanner wedder wählt wurn. Ünner Ministerpräsident Jitzhak Schamir is he denn eerst Minister för Minnerheiten wen un denn Minister för Gesundheet. In disse Tied hett he dat Gesundheetswesen temek reformeert.

1993 is he Börgermeester van Jerusalem wurn und hett dorbi Teddy Kolek düütlich schlaan, wiels he nämek 60 % van de Stimmen kregen hett. Bin en Wedderwahl hett he sogor 62% van de Stimmen kregen. 2003 hett he disse Amt ober upgeben un hett sück wer in de Knesset wählen laten.

In Februar 2003 wuur Ehud Olmert Industrie-/ un Hannelsminister und stellvertredend Ministerpräsident, un in September van dat sülvig Johr ok noch Kommunikatschoonsminister. 2005 hett he denn tosätzlich ok noch dat Finanzministerium van Benjamin Netanjahu övernommen, de torüchtreden weer.

Ministerpräsident Ariel Scharon is denn Enn’ 2005 ut de Likud-Partei uttreden und Olmert un völ anner Ministers glieks mit. Se hebbt denn all tosommen de Kadima-Partei gründ. Kadima heet sovöl as Vörut. An 16. Januar 2006 is Olmert denn as Parteivörsitter van Kadima wählt wurn. An 4. Januar har Ariel Scharon aber een schworen Schlaganfall harrt und kunn denn nicht mehr as Ministerpräsident arbeiden. Olmert hett hüm denn eerst vertreden, ober dorna denn ok wählt wurn, nodem fast stunn, dat Scharon nich weer in’t Amt torüchkommen de.