Fred Astaire
From Wikipedia
Fred Astaire (* 10. Mai 1899 in Omaha; † 22. Juni 1987 in Los Angeles, börgerlich Frederick Austerlitz) weer en US-amerikaanschen Schauspeler, Singer un Danzer.
Astaire is as Frederick Austerlitz un Söhn vun öösterrieksche Inwannerers in Omaha boren. Al as Jung füng he’t Danzen an. He weer op Danzschool un stünn mit siene Süster Adele op de Böhn. De beiden ehr eerst Film weer 1915 Fanchon the Cricket. 1917 treden de beiden op’n Broadway in Over the Top op. 1931 heiraad sien Süster un he müss nu alleen op de Böhn. De Filmsellschop RKO nehm em 1933 ünner Verdrag un hett em för den Film Dancing Lady an MGM utlehnt. Denn möök he bi RKO Flying down to Rio, wat sien eersten Film mit gröttern Erfolg weer. In dissen Film speel he ok toeerst mit Ginger Rogers. He möök noch negen Danz-Filmen mit ehr.
He speel ok mit Rita Hayworth in You Were Never Lovelier, Eleanor Powell in Broadway Melody, Judy Garland in Easter Parade, Lucille Bremer in Yolanda and the Thief, Betty Grable, Cyd Charisse in The Band Wagon un mit Audrey Hepburn in Funny Face. As he öller worrn is, is dat mit de Danz-Filmen weniger worrn un he möök mehrsttiets blots noch normal Schauspeel.
[Ännern] Weblenken
- Fred Astaire in de Internet Movie Database
