Bladgull
Frå Wikipedia – det frie oppslagsverket
Bladgull har vore bruka sidan antikken, og vert framstilt av legeringar med høgt gullinnhald. Det kan bli hamra ut til ein ekstremt tynn folie, ned mot om lag 100 – 1000 atomlag tynt. Eit gram gull kann ved ei tjukn på 100 nm dekkje ei flate på om lag 0,5 m².
Bladgull vert bruka til å gje ikkje-metalliske gjenstandar ein utsjånad som var dei av gull. Det kan vere forgylling av lêr i bøker eller møbler, eller motivelement i målarstykke, til dømes i ikon, eller forgylling av biletrammer av tre.
Bladgull er ikkje giftig, og kan inngå i visse kostelege matrettar.
