Cubansk peso

Frå Wikipedia – det frie oppslagsverket

Peso er den offisielle valutaen på Cuba, men grunna den spesielle situasjonen landet er i i høve til den kommunistiske økonomien, kombinert med USA sin handelsblokkade, er det i praksis tre ulike valutaer på Cuba:

1. Cubansk peso (ISO 4217-kode CUP) er den opphavlege valutaen. Denne vert stort sett berre brukt av lokalbefolkninga til å kjøpe nødvendige varer. Denne valutaen kan du ikkje få veksla inn andre steder i verda.
2. Amerikansk dollar (ISO 4217-kode USD) var inntil 14. november 2004 offisiell valuta, men frå denne datoen var ikkje dollaren lenger eit gyldig betalingsmiddel. Du kan få veksla amerikanske dollar på større hotell i landet og får da 0,9 «konvertible peso» for ein dollar. I praksis kan du framleis (1.1.2005) bruke amerikanske dollar på landet.
3. Konvertibel peso (ISO 4217-kode CUC) er den offisielle turistvalutaen på Cuba. Her står det «peso» på den eine sida av valutaen og «$» på den andre sida, og tidligare svara den til nøyaktig 1 US$. Du får omlag 21 cubanske peso for ein konvertibel peso. Denne valutaen kan du heller ikkje få veksla inn andre stader i verda.

[endre] Biletgalleri

1 CUC (mynt) Avers	1 CUC (mynt) Revers	5 CUC (setel) Avers	5 CUC (setel) Revers
10 CUP (setel) Avers	10 CUP (setel) Revers