Ole Landmark
Frå Wikipedia – det frie oppslagsverket
Ole Døsen Landmark (15. juni 1885–7. februar 1970) var ein norsk arkitekt.
Ole Landmark vart fødd og døydde i Bergen. Han var son av ingeniør Johan Peter Berg Landmark og Monsine Dorothea Landmark fødd Døsen. Ole Landmark tok eksamen i 1909 frå Trondhjems Tekniske Læreanstalt på arkitektavdelinga. Etter ei tid som assistent hjå arkitektane Schak Bull og Einar Oscar Schou i Bergen, oppretta Landmark eigen praksis i Bergen i 1910. Landmark teikna Forum kino og Bergens kunstforening i funksjonalistisk stil.
Landmark var, saman med arkitektar som Egill Reimers, Konow Lund, Kristian Bjerknes og Per Grieg ein del av «Bergens-skolen» i mellomkrigstida. Ole Landmark hadde ei lang rad oppdrag for rike bergenske borgarar. Han teikna Forum kino i funksjonalisme med innslag av art deco. Forum Kino vert rekna som det viktigaste verket hans og er eit hovudverk i norsk funksjonalisme. Bygget er i dag ein av få kinoar frå den tida som er teke vare på intakt.
[endre] Arbeidsprosjekt
- Kalfarveien 48, 1919 for Skipsreiar Westfal-Larsen.
- Krohnstadveien 42, 1919 for Torolf hammer.
- Fagernes, Hopsneset, 1921 for kjøpmann Edv. Riisøen.
- Storhaugen, Paradis i Bergen, 1922 for Statsråd Gerdt Meyer Bruun.
- Salhusveien 11, Haugesund, 1923 for skipsreiar Christian Haaland.
- Rasmus Meyers samlinger, 1924.
- Rådhuset i Bouchavesnes-Bergen, Frankrike. Bygd 1925.
- Storetveit kirke, 1930. Tildelt Houens fond 1932.
- Bergens kunstforening, 1934.
- Mohnegaarden, Paradis i Bergen, 1936 for J. A. Mohn.
- Florida sykehus, 1937.
- Forum Kino, 1936 – ferdig 1946.
[endre] Lenkjer ut
[endre] Litteratur
- Knut Rommetveit; Det signerte huset : Ole Landmarks arkitektur i Bergen og Haugesund, 1914-1924 , Hovudoppgåve i kunsthistorie - Universitetet i Bergen, 2003
