Sporvehauk
Frå Wikipedia – det frie oppslagsverket
| Sporvehauk |
||||||||||||||
|---|---|---|---|---|---|---|---|---|---|---|---|---|---|---|
 Hannfugl |
||||||||||||||
| Systematikk | ||||||||||||||
|
||||||||||||||
| Vitskapleg namn | ||||||||||||||
| Accipiter nisus Linné, 1758 |
Sporvehauk (Accipiter nisus) er ein rovfugl i haukefamilien.
Innhaldsliste |
[endre] Utsjånad
Sporvehauken er 28-38 cm og 110-340 g. Han har lang hale med 4-5 mørke tverrband og breie, avrunda venger. Hoa er størst. Ho er brungrå på oversida og tverrstripa brun på undersida. Hannen er grå på oversida og tverrstripa oransjeraud under.
Fuglen flyg med nokre få raske vengeslag som vert avløyst av glideflukt.
[endre] Levesett
Sporvehauken er ein rovfugl som mest jaktar på fuglar, men han tek òg smågnagarar.
Hoa legg 4-5 egg i mai og rugar dei i 40 dagar. Ungane vert flygedyktige etter 25-30 dagar.
Sporvehauken er ein trekkfugl som kjem i mars-april og reiser til område lenger sør i Europa i september-oktober. Mange overvintrar i kyststrøk og ved byar og tettstadar.
[endre] Utbreiing
Sporvehauken finst i det meste av Europa og søraustover til det nordlege Iran. Andre underartar finst i Nord-Afrika og Asia.
I Noreg finst fuglen i heile landet, men han er sjeldan nor for Saltdalen.
[endre] Bakgrunnsstoff
 |
Denne biologiartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over biologispirer. |
