Uschi Disl
Frå Wikipedia – det frie oppslagsverket
Ursula «Uschi» Disl (fødd 15. november 1970 i Bad Tölz i Bayern i Tyskland) er ein tysk skiskyttar. Ho er to gonger olympisk meister i stafett, og seks gonger verdsmeister (to individuelle).
Disl har hatt ein lang og suksessrik karriere i skiskyting. Ho var med i Vinter-OL i 1992, første gong skiskyting for kvinner var på OL-programmet og vann sølv med det tyske stafettlaget. Ho var vunne medalje i alle OL etterpå òg:
- Sølv på stafett og bronse på 15 km på Lillehammer i 1994
- Gull på stafett, sølv på sprint og bronse på 15 km i Nagano i 1998
- Gull på stafett og sølv på sprint i Salt Lake City i 2002
- Bronse på fellesstart i Torino i 2006
Ho er dermed den mestvinnande kvinnelege skiskyttaren i OL gjennom tidene, og har vunne medaljar i alle fem OL der kvinneleg skiskyting har stått på programmet. I VM i skiskyting har ho tilsaman 19 medaljar, derav to individuelle gull frå VM i Hochfilzen i 2005 og seks gull med stafett eller lag.
Frå og med 1993/94-sesongen har ho aldri kome dårlegare enn 8. plass i verdscupen i skiskyting samanlagt. Yrkesmessig er ho tilknytt det tyske politiet.
[endre] Kortfatta merittliste
(pr. 28. februar 2006)
- Verdscupen samanlagt:
- 2. plass (1995/96), 3.plass tre gonger
- Verdsmeisterskap:
- 8 gull (2 individuelt), 7 sølv, 2 bronse
- Olympiske leikar:
- 2 gull, 4 sølv, 3 bronse (beste individuelt: 2 sølv)
- Verdscuprenn:
- 30 gull, 19 sølv, 25 bronse
