Morfina
Un article de Wikipèdia, l'enciclopèdia liura.
La morfina (nom bastit a partir del grèc Μορφεύς, Morfèu dieu dels sòmis) es una molecula que se fa servir coma medicament contra la dolor (sonat mai scientificament analgesic).
Aquesta substància es coneguda dempuèi 1688 jol nom d'òpi Papaer somniferum, pasmens foguèt en 1804 que foguèt descobèrta per Seguin, Courtois e Charles Derosne. Foguèt un farmacian alemand F.W. Sertümer que l'estudièt que li balhèt son nom actual.
La morfina, a la debuta èra administrada per via estomacala, en levar lo dèrm e introduire la dòsi necessària. Finalament obtenguèt una popularitat bèla, gràcias a l'invencion de la seringa de Pravaz e mai que mai per son emplec massiu pels militars pendent la guèrra de 1870. A partir de 1952, la sintèsi quimica e de derivats morfinics venguèt possibla.
Actualament, la morfina contunha d'èsser l'analgesic classic mai eficaç per aleugerir las dolors agudas, mas son emplec es a demesir vist qu'apareisson de novèlas drògas sinteticas, les quals se suposa que són menys adictives e permeton que las personas allergicas a la morfina pòscan ateunir sas dolors.
