Per-Ramsès
Un article de Wikipèdia, l'enciclopèdia liura.
Per-Ramsès (en egipcian l'"Ostau de Ramsès", tanben coneguda com Pi-Ramsès) qu'èra ua vila fondada e bastida peu faraon Ramsès II en Egipte Baisha per estar la soa capitala. Qu'ac demorè durant las XIXau e XXau dinastia. Qu'èra situada près de la vila d'Avaris, l'anciana capitala deus Icsòs (un pòble qui invasí Egipte e bèth i portar lo manejament deus chivaus e que regnè suber l'Egipte Baisha deu temps deu segond periòde intermediari) e ciutat d'un culte deu diu Seth (diu de Sethi Ièr, lo pai de Ransès II, e de la soa XIX dinastia, qui vòu díser "Que soi de Seth"). Avaris que vadó fin finala un barri de Per-Ramsès. Per-Ramsès que s'estava a l'estrèm est deu delta deu Nil e deu país tanben.
La bastida d'aquesta capitala que dè lo parat a Ramsès II de renforçar lo son imatge e lo son culte en bèth apropià's de l'Asia, lòc d'objectius militars on lo son pair Sethi Ièr avè ja começat de recrubar lo poder qu'Egipte avèva perdut per'mor de l'aflaquiment devut aus trobles deu periòde amarnian qui Amenòfis IV avèva miat lo país a la division en essajar de cambiar de religion.
La recèrcas arqueologicas qu'an permès de trova las resta deu palais de Sethi e de Ramsès, la garnisons de la cavaleria ramessida, lo temple de Seth a Avaris e un temple d'Amòn.
La ciutat que ho abandonda durant la XXIau dinastia. Que's sap que lo bras deu Nil qui abeurava la ciutat que s'estarí, estant probablemnet atau l'encasa de l'abandon deu lòc. Ua partida de la soas pèira e deu sons monuments que hon emplegats per la ciutat de Tanis. Per-Ramsès que suberviscó dens la tradicion judia e crestiana com la vila nadau de Moises e lo punt de despartir de l'Exòde. La localizacion totun que'n ho desbrembada dinc a las annadas vint deu sègle XXau. Desempuish las annadas setanta l'Institut Arqueologic Austriac qu'i mia recèrcas arqueologicas gavidadas per l'egiptològ Manfred Bietak suu siti conegut com El-Qantir.
