Leukosit

Ti Wikipédia, énsiklopédi bébas

Sél getih bodas (ogé disebut leukosit atawa sél imun) mangrupakeun salasahiji komponén getih nu pancénna mantuan pertahanan awak ngalawan kasakit inféksi jeung bahan asing salaku bagian tina sistim imun. Normalna mah aya kana 4x10⁹ nepi ka 11x10⁹ sél getih bodas dina saléter getih jalma sawawa nu walagri - kira 7000-25000 sél per keclak. Dina kasus leukemia, jumlahna bisa nérékél nepi ka 50000 sél per keclak.

Gambar mikroskop éléktron scanning (scanning electron microscope, SEM) getih manusa nu sirkulasina normal. Katempo sél getih beureum, sababaraha sél getih bodas nu nonjol kaasup limfosit, monosit, nétrofil, jeung loba deui platelet nu laleutik.

Sakumaha dina getih, sél getih bodas aya ogé dina sistim limfatik, limpa, jeung jaringan lianna.

[édit] Tipe

Aya tilu tipe utama sél getih bodas.

[édit] Granulosit

Granulosit mangrupakeun hiji kategori sél getih bodas nu cirina nyoko kana béda kelir granul dina sitoplasmana nalika diwarnaan sarta ditempo maké mikroskop cahya: neutrofil, basofil, jeung éosinofil (dingaranan dumasar pasipatan pewarnaanana).

[édit] Limfosit

Limfosit leuwih ilahar aya dina sistim limfatik, kaasup nu katelah killer T-cells. Dina getih aya tilu tipe limfosit: sél B, sél T, jeung sél NK (natural killer cell). Sél B ngahasilkeun antibodi nu ngabeungkeut patogén nu salajengna diancurkeun. Sél T (helper) CD4+ ngordinir réspon imun (sél ieu nu ruksak dina inféksi HIV téh). Sél T (sitotoksik) CD8+ jeung sél NK bisa maéhan sél awak nu kainféksi ku virus.

[édit] Monosit

Lian ti pancén lianna, monosit babagi pancén 'vacuum cleaner' jeung neutrofil. Monosit némbongkeun popotongan patogén ka sél T sahingga patogénna bisa diapalkeun sarta gampang diperuhkeun nalika nyerang deui. Monosit ogé katelah makrofag lamun geus ninggalkeun aliran getih sarta asup kana jaringan.

Tipe	Gambar	Diagram	% dina manusa	Katerangan
Neutrofil			65%	Neutrofil patali jeung pertahanan awak urang ngalawan inféksi baktéri jeung prosés peradangan leutik lianna sarta biasana ogé nu sok méré tanggapan pangheulana kana inféksi baktéri; aktivitas jeung paéhna neutrofil dina jumlah nu loba nyababkeun ayana nanah.
Éosinofil			4%	Éosinofil utamana patali jeung inféksi parasit sarta ningkatna éosinofil nandaan yén loba parasit.
Basofil			<1%	Basofil utamana tanggung jawab pikeun méré réaksi alérgi jeung antigén ku jalan ngaluarkeun histamin kimia nu nyababkeun peradangan.
Limfosit			25%	Limfosit leuwih ilahar dina sistim limfa. Getih miboga tilu tipe limfosit: Sél B: Sél B nyieun antibodi nu meungkeut patogén nu ngamungkinkeun pikeun ngancurkeunnana. (Sél B henteu ukur nyieun antibodi nu meungkeut patogén, tapi sanggeusna serangan, sababarahan sél B bakal angger mertahankeun kamampuhannana pikeun ngahasilkeun antibodi minangka layanan sistim 'mémori'.) Sél T: CD4+ (pembantu) Sél T ngordinasikeun tanggapan katahanan (anu bertahan dina inféksi HIV) tur penting pikeun nahan baktéri intrasélulér. CD8+ (sitotoksik) bisa maéhan sél nu kainféksi ku virus. Sél natural killer: Sél pamaéh alami (natural killer, NK) bisa maéhan sél awak nu henteu némbongkeun sinyal supaya tong dipaéhan, sabab geus kainféksi ku virus atawa geus jadi kanker.
Monosit			6%	Monosit ngabagi fungsi "pameresih vakum" (fagositosis) tina neutrofil, tapi leuwih jauh hirup sabab miboga tugas tambahan: méré potongan patogén ka sél T sahingga éta patogén bisa diapalkeun sarta diperuhkeun, atawa sahingga tanggapan antibodi bisa dipaké keur ngajaga.
Makrofag			(tempo di luhur)	Monosit katelah ogé minangka makrofag sanggeus pindah tina aliran getih sarta asup kana jaringan.

[édit] Panyakit

Leukopénia, kasakit nu ditunjukkeun ku kurangna kadar sél getih bodas dina getih.
Leukositosis, nujul ka luhurna kadar/jumlah sél getih bodas dina getih.
Leukemia jeung limfoma, dua tipe kangker alatan teu kakontrolna produksi sél getih bodas.

[édit] Sél jaringan séjén

Histiosit, aya dina sistim limfa jeung jaringan lianna, tapi teu ilahar dina getih:
- Makrofag
- Sél déndritik
Sél Mast

[édit] Gambar tambahan

Silsilah sél getih

[édit] Baca ogé

Leukoréduksi
Limfadénitis
Fagositosit

[édit] Sumber rujukan

White blood cell, Wikipédia édisi basa Inggris per 29 Nopémber 2005.

[édit] Tumbu kaluar

Sistim kardiovaskular - Getih

Sél getih beureum - Sél getih bodas - Platélét - Plasma getih - Sél stém hémopoiétik pluripoténsial

Sél getih bodas

Granulosit (Granulosit Neutrofil, Granulosit éosinofil, Granulosit basofil) - Limfosit - Monosit

Koagulasi

Faktor koagulasi: - Fibrin (I) - (Pro)trombin (II) - FV - FVII - FVIII - FIX - FX - FXI - FXII - FXIII - HMWK - vWF - Faktor jaringan

Inhibitor: Antitrombin - Protéin C - Protéin S - Protéin Z - ZPI - TFPI

Fibrinolisis: Plasmin - tPA/urokinase - PAI-1/2 - α2-AP - TAFI

Sistim imun

Sistim imun humoral - Sistim imun sélular - Sistim limfatik - Limfosit - Antibodi - Antigén (MHC)

Disalin ti "http://su.wikipedia.org../../../l/e/u/Leukosit.html"

Kategori: Sél getih