தமிழகப் பழங்குடிகள்
கட்டற்ற கலைக்களஞ்சியமான விக்கிபீடியாவில் இருந்து.
தமிழகப் பழங்குடிகள் தமிழ் நாட்டு மக்கள் தொகையில் 3.5% உள்ளனர் (2001 கணக்கெடுப்பு). தமிழகத்தில் 40க்கும் மேற்பட்ட வெவ்வேறு பழங்குடிகள் உள்ளனர். இருளர், காடர், குறும்பர், தோடர் போன்றோர்கள் பழங்குடிகளில் சிலர். தமிழ் நாட்டில் 30 மாவட்டங்களில் பழங்குடிகள் வாழ்கிறார்கள். பழங்குடிகள் பெரும்பாலும் காடும் காடுசார்ந்த நிலங்களிலும் வாழ்கின்றனர். இவர்கள் பணம் சார்ந்த பொருளாதாரத்தை அதிகமாக பயன்படுத்துவதில்லை. இவர்கள் தங்களுக்கென தனி மொழியும், குடும்ப மற்றும் குமுகப் (சமூகப்) பழக்க வழக்கங்களையும் கொண்டவர்கள். பெரும்பாலோருடை மொழிகள் தமிழுடன் நெருங்கிய தொடர்புடையது என்றும் திராவிட மொழிக் குடும்பத்தைச் சேர்ந்ததென்றும் அறிஞர்கள் கருதுகிறார்கள். முதன் முதல் எட்கர் தர்ஸ்டன் என்பாரும், பின்னர் அனந்த கிருஷ்ண அய்யர், முனைவர் அய்யப்பன் போன்றோரும் பழங்குடிகளை பற்றிய ஆய்வுகள் செய்துள்ளனர்.
| பழங்குடி பெயர் | வாழும் பகுதி | மொழி |
|---|---|---|
| அரநாடன் | கோவை, ஆனைமலை | மலையாளக் கிளை மொழி |
| அலுகுறும்பர் | நீலகிரி | கன்னடக் கலப்பு மொழி |
| இருளர் | கோவை, சேலம், காஞ்சிபுரம், நீலகிரி, விழுப்புரம் | இருள மொழி தமிழ் கிளைமொழி |
| ஊராளி | நீலகிரி (சத்தியமங்கலம்) | மலையாளம் கலந்த தமிழ் |
| எருக்கலா | காஞ்சிபுரம், செங்கல்பட்டு | தமிழின் கிளை மொழி. மலையாளம் கலப்பு |
| எரவல்லன் | கோவை (மலைப்பகுதி) | ? |
| கசபர் | நீலகிரி, கூடலூர்,உதகமண்டலம் | கசபர் மொழி, கன்னடம் தமிழ் கலப்பு |
| காணிக்காரர் | கன்னியாகுமரி | மலையாளம் தமிழ் மொழி |
| காடர் | கோயம்புத்தூர், ஆனைமலை,திருச்சிராப்பள்ளி,தஞ்சாவூர் | கன்னடக் கலப்பு மொழி |
| குறும்பர் | நீலகிரி | கன்னடக் கலப்பு மொழி |
| குடிமலைக்குடி | தமிழக-கர்நாடக எல்லை மலைகள் | துளு மொழி |
| குறிச்சான் | தருமபுரி | கன்னடக் கிளை மொழி |
[தொகு] உசாத் துணை
அ.கா.பெருமாள். (2005). தமிழகப் பழங்குடிகள். மனோரமா இயர்புக் 2005, 302-318.
