మహాప్రస్థానం
వికీపీడియా నుండి
శ్రీశ్రీ గారి అద్భుత సృష్టి, ఈ మహా ప్రస్థానం, ఇది వెలుబడిన తరువాత తెలుగు సాహిత్యపు ప్రస్థానానికే ఓ దిక్సూచిలా వెలుగొందినది, ఆధునిక తెలుగు సాహిత్యాన్ని మహా ప్రస్థానానికి ముందు, మహా ప్రస్థానానికి తరువాత అని విభజించవచ్చు అని చెప్పడం ఏ మాత్రం అతిశయోక్తి కాదు.
ఇది ఒక అభ్యుదయ కవితా సంపుటి. దీనిలో మొత్తం నలబై కవితలు ఉన్నాయి. ఇందులో శ్రీశ్రీ కార్మిక కర్షిక శ్రామిక వర్గాలను ఉత్తేజితులను చేస్తూ, నూతనోత్సాహం కలిగిస్తూ, ఉర్రూతలూగిస్తూ గీతాలు వ్రాసినాడు. ఇది తెలుగు కవితకే ఓ మార్గదర్శి అయినది.
విషయ సూచిక |
[మార్చు] ఉదాహరణ ఒకటి
- బానిసల సంకెళ్ళు బిగిసే
- పాడుకాలం లయిస్తుందా
- సాధు సత్వపు సోదరత్వపు
- సాధుతత్వం జయిస్తుందా?
- జడలు విచ్చిన, సుడులు రేగిన
- కడలి నృత్యం శమిస్తుందా?
- నడుమ తడబడి కడలి ముడుగక
- పడవ తీరం క్రమిస్తుందా?
[మార్చు] ఉదాహరణ రెండు
- ఊరవతల నీరింకిన
- చెరువుపక్క॥ చెట్టునీడ
- గోనెలతో కుండలతో
- ఎటు చూస్తే అటు చీకటి
- అటు దుఃఖం పటు నిరాస
- చెరసాలలు ఉరి కొయ్యలు
- కాలువలో ఆత్మహత్య
- దగా పడిన తమ్ములార
- మీ బాధలు నేనెరుగుదును
[మార్చు] ఉదాహరణ మూడు
- మరో ప్రపంచం,
- మరో ప్రపంచం,
- మరో ప్రపంచం పిలిచింది!
- పదండి ముందుకు,
- పదండి త్రోసుకు!
- పోదాం, పోదాం పైపైకి!
- కదం త్రొక్కుతూ,
- పదం పాడుతూ,
- హ్రుదాంతరాళం గర్జిస్తూ-
- పదండి పోదాం,
- వినబడలేదా
- మరో ప్రపంచపు జలపాతం?
- దారిపొడుగునా గుండె నెత్తురులు
- తర్పణచేస్తూ పదండి ముందుకు!
- బాటలు నడచీ,
- పేటలు కడచీ,
- కోటలన్నిటిని దాటండి!
- నదీ నదాలూ,
- అడవులు, కొండలు,
- ఎడారులా మన కడ్డంకి?
- పదండి ముందుకు!
- పదండి త్రోసుకు!
- పోదాం, పోదాం, పైపైకి!
- ఎముకులు క్రుళ్ళిన,
- వయస్సు మళ్ళిన
- సోమరులారా! చావండి!
- నెత్తురు మండే,
- శక్తులు నిండే,
- సైనికులారా! రారండి!
- "హరోం! హరోం హర!
- హర! హర! హర! హర!
- హరోం హరా!" అని కదలండి!
- మరో ప్రపంచం,
- మహా ప్రపంచం
- ధరిత్రినిండా నిండింది!
- పదండి ముందుకు,
- పదండి త్రోసుకు!
- ప్రభంజనంవలె హోరెత్తండీ!
- భావ వేగమున ప్రసరించండీ!
- వర్షుకాభ్రములన ప్రళయఘోషవలె
- పెళ పెళ పెళ పెళ విరుచుకు పడండి!
- పదండి,
- పదండి,
- పదండి ముందుకు!
- కనబడలేదా మరో ప్రపంచపు
- కణకణమండే త్రేతాగ్ని?
- ఎగిరి, ఎగిరి, ఎగిరి పడుతున్నవి
- ఎనభై లక్షల మేరువులు!
- తిరిగి, తిరిగి, తిరిగి సముద్రాల్
- జలప్రళయ నాట్యం చేస్తున్నవి!
- సలసలక్రాగే చమురా? కాదిది
- ఉష్ణరక్త కాసారం!
- శివసముద్రమూ,
- నయాగరావలె
- ఉరకండీ! ఉరకండీ ముందుకు!
- పదండి ముందుకు!
- పదండి త్రోసుకు!
- మరో ప్రపంచపు కంచు నగారా
- విరామ మెరుగక మ్రోగింది!
- త్రాచులవలెనూ,
- రేచులవలనూ,
- ధనంజయునిలా సాగండి!
- కనబడలేదా మరో ప్రపంచపు
- అగ్నికిరీటపు ధగధగలు,
- ఎర్రబావుటా నిగనిగలు,
- హోమజ్వాలల భుగభుగలు?
[మార్చు] కవితా సూచిక
- యోగ్యతా పత్రం
- కొంపెల్లి జనార్ధన రావు కోసం 1 2
- మహాప్రస్థానం 1
- జయభేరి
- ఒక రాత్రి
- గంటలు
- ఆకాశ దీపం
- ఋక్కులు 1
- అవతారం
- బాటసారి 1
- ఆశా దూతలు
- ఐ !
- శైశవ గీతి
- అవతలి గట్టు
- సాహసి
- కళారవి 1
- భిక్షు వర్షీయసి 1
- ఒక క్షణంలో
- పరాజితులు 1
- ఆ ః ! 1
- ఉన్మాది
- స్విన్‌బర్న్ కవికి
- అద్వైతం
- వాడు
- అభ్యుదయం
- వ్యత్యాసం
- మిథ్యావాది
- ప్రతిజ్ఞ 1
- చేదు పాట
- కవితా! ఓ కవితా !
- నవ కవిత
- దేశ చరిత్రలు 1
- జ్వాలా తోరణం
- మానవుడా !
- సంధ్యా సమస్యలు
- దేనికొరకు ?
- కేక
- పేదలు
- గర్జించు రష్యా !
- నిజంగానే ?
- నీడలు
- జగన్నాథుని రథచక్రాలు 1
[మార్చు] లింకులు
తెలుగు సాహిత్యము|తెలుగు సాహితీకారులు|ప్రముఖ కావ్యాలు
