جوہر
وکیپیڈیا سے
جوہر ایک نہایت ہی محتصر ذرہ ہوتا ہے۔ آکسیجن کے ایک جوہر کا وزن ایک پونڈ کے تقریبا 950،000،000،000،000،000،000،000،000 ء حصے کے برابر ہوتا ہے۔ اربوں کھربوں جوہر بھی وزن میں ایک بال کے برابر نہ ہوں گے۔ اگر چار کروڑ جوہروں کو برابر رکھا جاۓ تو ان کی مجموعی لمبائی ایک انچ کے برابر ہو گی۔ کاغذ کی پن کے سرے پر ایک ہی لائن میں تقریبا بیس لاکھ جوہر رکھے جا سکتے ہیں۔
فہرست |
[ترمیم] اندرونی ساخت
آئیے اب ہم جوہر کی اندرونی ساخت کا جائزہ لیتے ہیں۔ اس مقصد کے لیے ہم ہائیڈروجن گیس کے جوہر پر غور کریں گے جو اپنی بناوٹ میں سب سے زیادہ سادہ ہوتا ہے۔ اس کا ایک ٹھوس مرکزی حصہ ہوتا ہے۔ جسے نکلیس یا مرکزہ کہتے ہیں۔ یہ اس قدر سخت اور ٹھوس ہوتا ہے کہ جوہر کی تمام ترکمیت اسی جگہ مرکوز ہوتی ہے۔ اس کے چاروں طرف کچھ جگہ خالی ہوتی ہے اور پھر ایک حلقہ یا مدار آتا ہے جس پر ایک الیکٹرون یا منفی برقیہ مستقل طور پر گردش میں رہتا ہے۔
[ترمیم] بر قیہ ( اليکٹرون )
برقیہ ایک نہایت ہی منفی بار کا حامل ہوتا ہے اور مرکزے کے چاروں طرف اسی صورت میں گرداں رہتا ہے جیسے سورج کے گرد ہماری زمین یا رسی کے سرے پر ایک پتھر باندھ کر اسے اپنے سر کے چاروں طرف گھمانے لگیں۔
سورج کے گرد ہماري زمين کي گردش کا استعارہ محض انتہائي سطحي طور پر سمجھنے کے ليے استعمال کيا جا سکتا ہے۔ موجودہ علم کے مطابق ان بنيادي منفي باربردار زروں ( الکٹرونز، منفي برقيہ ) کي انکے مدار ميں موجودگي کسي خاص حرکرت کي شکل ميں نہيں ہوتي۔
[ترمیم] اولیہ ( پروٹون )
ہر جوہر بنیادی طور پر نہ تو برق مثبت کا حامل ہوتا ہے اور نہ برق منفی کا۔ برقیے کے منفی چارج کا ازالہ کرنے کے لیے ہائیدروجن جوہر کے مرکزے پر ایک نہایت خفیف مثبت برقی چارج موجود رہتا ہے۔ جسے پروٹون یا مثبت برقیہ کہتے ہیں۔ منفی اور مثبت برقیہ ہر جوہر کا لازمی حصہ ہیں۔ ہر جوہر ميں ان کی تعداد مختلف ہوتی ہے اور یہی وجہ ہے کہ ایک دھات، دوسری دھات سے اور ایک مادے کی شکل اس کی دوسری شکل سے مختلف ہوتی ہے۔
چونکہ مّبت اور منفی بار ایک دوسرے کی ضد ہیں اور ان دونوں کے درمیان ایک طرح کی کشش پائی جاتی ہے۔ اس لیے برقیہ ہمہ وقت مرکزی مثبت برقیہ کی طرف کھینچتا رہتا ہے۔ جیسے جیسے ہم ہائیدرجن سے گزر کر دوسرے عناصر کی طرف آتے ہیں۔ ان کے جوہر پیچیدہ تر ہوتے چلے جاتے ہیں۔ ان میں مثبت، منفی برقیہ اور ان کے مداروں کی تعداد بڑھتی جاتی ہے اور ساتھ ساتھ مداروں کی ترتیب بھي مختلف اور پيچيدہ تر ہوتی چلی جاتی ہے۔
[ترمیم] تعدیلہ ( نیوٹرون )
منفی اور مثبت برقیے کے علاوہ جوہر ميں ايک برقيہ اور بھي ہوتا ہے، جس کی برقی حثیت تو کچھ نہیں ہوتی يعني يہ منفي يا مثبت بار سے بے نياذ ہوتا ہے لیکن اس کی بھي اہمیت بہت زيادہ ہوتي ہے۔ اسے بے بار کا برقيہ يا نیوٹرون کہتے ہیں کیونکہ اس پر نہ مثبت بار موجود رہتا ہے اور نہ ہي منفی۔
[ترمیم] مزید دیکھیں
- ہم جاء (آئی سوٹوپ)
