مدر ٹریسا
وکیپیڈیا سے
پیدائش: 26 اگست 1910ء
انتقال: 5 ستمبر 1997ء
Mother Teresa
[ترمیم] ابتدائی زندگی
خود کو خدمت خلق کے لئے وقف کر دینے والی عیسائی راہبہ۔بلقان میں پیدا ہونے والی راہبہ نے اپنی زندگی غریبوں اور بے کسوں کی خدمت کے لئے وقف کر دی تھی اور وہ کلکتّہ میں ساٹھ برس تک غریبوں و نادار بیماروں کی دیکھ بھال کرتی رہیں۔
مدر ٹریسا مقدونیا کے شہر سکوپئے میں سن انیس سو دس میں پیدا ہوئیں تھیں۔ تاہم ان پر البانوی اور مقدونیائی باشندوں کا یکساں دعویٰ ہے کیونکہ اس وقت مقدونیا کے نام سے کسی ملک کا وجود نہیں تھا بلکہ یہ شہر سلطنت عثمانیہ کا حصہ تھا۔
[ترمیم] فلاحی کام
انہوں نے اپنے ادارے کی بنیاد انیس سو پچاس میں محض بارہ راہباؤں کے ہمراہ رکھی تھی جن کی تعداد بعد میں بڑھ کر ساڑھے چار سو تک اور دائرہہ کار ایک سو تینتیس ممالک تک جاپہنچا ۔
[ترمیم] اعزازات
مدر ٹریسا کو غریبوں اور ناداروں کے لئے کئی دہائیوں پر مشتمل ان کی خدمات کے صلہ میں انیس سو اناسی میں نوبل انعام دیا گیا ۔ اس کے علاوہ پاپائے روم نے مدر ٹریسا کو ’ بابرکت‘ شخصیت قرار دیا ہے۔یہ سعادت ’سینٹ‘ قرار دیئے جانے یا عیسائیت کے تحت ’ولایت‘ کا مرتبہ حاصل (ولی بن جانے) کرنے کے مراحل میں آخری مرحلہ ہے۔
کلکتہ میں مدر ٹریسا کا انتقال ہوا۔
