Caréga
Da Wikipedia, ła ençiclopedia libara.
Ła carega (en itałiàn sedia) xe n'ełemento uxà par sentarse, generalmente costituio da un piano orizsontàl chel pògia su ganbe e da on schinàl. I materiałi coi quai generalmente le se costruisse łe careghe i xe legno, fero, plastega, ma, no exendo dei oxeti majormente utiłixà come "exerçizsio stiłistico" dai designer de tuti i tenpi, no i xe pochi łi exempi creai co altri materiałi.
Ła pì antica forma de carega xera queła egizsia, de legno dipinto o entarsà co materiałi prezsioxi quałi ebano, avorio o metało. Podaria aver łi piedi a forma de zsampa de animal.
I babiłonexi uxava careghe de legno de palma, un materiałe morbido e façiłe da łaorà, mentre i re axiri i uxava troni ricamente decorai.
