Sant'Antonio da Padoa
Da Wikipedia, ła ençiclopedia libara.
|
Sto articolo l'è scrito en diałeto padovan (padoàn, paduàn)
|
Sant'Antonio de Padova, al secoło Fernando Bulhão (Lisbona, 15 de agosto 1195 - Padova, 13 de giugno 1231) xè stà un frate francescan, e el xè un santo de ła Cèxa Catołica. Ła data de nàsita ła xè tramandà par tradizsion.
El jéra de fameja de nobiłì portoghesi, disendenti dal cavałiere crociato Goffredo di Buglione.
Prima co' ì Canonici regolari agostiniani de Coimbra (1210), dopo co' ì francescani (1220), el gà predicà dapartuto, 'ntel Portogało prima, e dopo in Itałia; le sò parołe le jéra piene de dotrina de łe Sacre Scriture.
'Ntel 1221 el gà incontrà, a ła Porziuncola, San Francesco de Asisi, che el lo gà mandà a l'èremo de Montepaolo, vìzsìn Forlì, çità dove el gà scuminsià a predicare.
Profesor de teołogia e a ło steso tenpo predicator, el gà conbatù l'erexìa catara, soratuto in Franzsa, co' tanta fòrzsa e co' tanta convinzsion. Dopo el xè stà trasferìo anca a Bołogna e in fin a Padoa, cità dove el xè patrono.
El xe morto el 13 de giugno del 1231, a l'età de 35 ani, vizsin de ła cexa de l'Arceła (Ara Coeli), frazsion nord de Padoa, de ritorno dal convento de Canpo San Piero indove ch'el se jera ritirà. Dopo ła so morte i tanti miracołi i gà fato in modo che el fuse invocà dai devoti come un infaticabiłe guaritor, e tuti i lo dixèva santo.
'Ntel 1232, l'ano dopo de ła so morte, papa Gregorio IX el lo gà fato santo.
Pio XII in tel 1946 el gà eleto Sant'Antonio tra i dotori de ła Cexa Catołica; in particołàre ghe xè stà dà el titoło de dotor evangełico, parché el jèra sołito sostegnere łe so afermazsion co' łe citazsion del Vangeło.
Ła granda Basiłica de Padoa ła xè dedicà a Sant'Antonio, e in sità ła xè cìamà "El Santo". Ghe xè anca un dito su Padoa, ligà anca al Santo: ła sarìa difati ła cità col cafè senzsa porte, el santo senzsa nome, el prà senzsa erba, che sarìa el cafè Pedrochi, sant'Antonio apunto, e el Prà de ła Vałe.
Sant'Antonio el se festeja el 13 de giugno; a Padoa, par l'ocaxion, se fà na inponente cełebrazsion co' ła procesion.
