Veugelpyk
From Wikipedia
Veugelpyk is e kaffeesport die officieel darts noemt. 't Is overol in de weireld espeeld, mo 't komt van Iengeland. Vroeger iengt er in iedern kaffee e veugelpyk, nu is dat e bitje emienderd, mo 't zyn der oglyk nog vele. De bedoelienge is om me drie pyltjes (‘’darts’’ int Iengels) zoe goed meugelyk te smytn (en in e nermoal spel 501 te smytn).
Inoud |
[bewerk'n] E veugelpyk en de moatn
E veugelpyk is e roende van e outn ploate met doarup zwynoar of syntetieschn vezels met doaroend e metoaln band. Vanvôorn isn upedêeld in e rôoze (groen=25 puntn, rôod=50 puntn) me doaroend 4 ryngels (vanbuutn=2x (e dubbeln), toene x1, toene x3 (e tripel) en toene were x1) oenderverdêeld in cyfers van êen toet twintig. Aje dus in tripel 20 smyt, eje 60 puntn esmeetn. De ryngels van de dubbels en de tripels zyn oftewel rôod, oftewel groene. De geweune ryngels zyn gilf en zwort.
De numers stoan ezôo up e veugelpyk, vanboovn te begun in wyzerzinne: 20-1-18-4-13-6-10-15-2-17-3-19-7-16-8-11-14-9-12-5. Roend olle vaksches isser e metoaln droad (oek roend dubbels, tripels en de rôozn).
De deursnee van e veugelpyk is bykan 46cm. En angt 173cm oge (emeetn van 't min van de rôoze toet de groend, oengeveer up d'ogte van d'oogn van e mens van e meiter tagenteg) en de lyne ligt up 2 meiter 37 van de vôorkant van veugelpyk.
[bewerk'n] ’t Spel zeve
’t Bestoan e masse verschilnde speln, mo ’t mêest van ol smytn twêe mensch teegn makoar toet 501. De mêeste veugelpykers smytn achter de tripel 20, mo j’et er oek die achter de tripel 19 smytn.
De spelers smytn ek up ze toer met 3 pyltjes en ze smytn toet anze 501 en. Uutsmytn moe wel gebeurn met e dubbeln of met de rôoze. Oltemets is er oek espeeld toet 301.
Mêestol is er vantevôorn ofesprookn oevele spelletjes danze speeln.
Vroeger moester in redelyk vele kaffees begun zyn met e dubbeln.
[bewerk'n] Puntn
- 180: ’t ogste meugelyk me 3 pyls (3x tripel 20)
- 170: d’ogste uutsmete (2x tripel 20 en e rôo rôoze)
[bewerk'n] Varia
- Fabien Theeten (Poperienge) is voent mooment êen van de beste veugelpykers van Belgje en smyt oek internationaal redelik mei.
- ’n Latstn Belg die meiedoan et ant Lakeside weireldkampioenschap, is Erik Clarys (The Sheriff).
- Up weireldvlak zyn der twêe boendn: BDO (danze toogn upn BBC) en PDC.
