Vierschansntoernôoi
From Wikipedia
Het Vierschansntoernôoi es een toernôoi in het Schansspringn. 't Es het belangrykste toernôoi van 't joar, en lyk dat de noame zegt goat het deure ip vier verschillende schansn. Het êeste toernôoi ging deure in 1952, en sindsdien es't joarlyks gehoud'n, olsan rond de joarwisselienge.
Inoud |
[bewerk'n] De vier schansn
Gelyk gezeit springn de schansspringers ip 4 schansn, en dat in een periode van ongeveer 10 doagn, tussn Kestdag en driekeuniengn. Der zin twêe schansn in Duutsland, en twêe in Ôostenrik, en de toernee gelyk da ze in't Duuts zeggn, es een ideoale gelegeneid om voo een bitje sportieve rivaliteit te zorgn tussn die twêe land'n.
- Oberstdorf (Duutsland): de Schattenbergschanze: êeste schanse, me een K-punt va 137 meiters
- Garmisch-Partenkirchen (Duutsland): de Grosse Olympiaschanze, met een K-punt va 115 meiters. Dit es de belangrykste wedstrid van het toernôoi (en dus van het joar). Ie goat oltyd ip 1 januoari deure en es de êenigste schansspringwedstrid die ôok in de land'n die traditioneel gin springers ein bekend es. Voo veel minsn stoat ie gelyk me Nieuwjoarsdag, want ie weirdt traditioneel utgezond'n achter et concer in Weenn.
- Innsbrück (Ôostenrik): Bergiselschanze, K-punt 120 meiters
- Bischofshofen (Ôostenrik): Paul-Ausserleitner-Schanze, K-punt 125 meiters
[bewerk'n] De wedstrid in 2006-2007
De wedstrid ging van de joare deure ip 30 december (Oberstdorf, winnoare Gregor Schlierenzauer), 1 januoari (Garmisch-Partenkirchen, winnoare Andreas Kuettel) , 4 januoari (Inssbrück, winnoare Anders Jacobsen), en 7 januoari (Bischofshofen, winnoare Gregor Schlierenzauer). Et eindklassement es gewonn'n deur Anders Jacobsen.
[bewerk'n] Puntndêelienge
De wedstrid'n van het vierschansntoernôoi zin ôok specioal omda de puntendêelienge anders es dan in de andere wedstrid'n. De springers springn in 25 koppelkes en moak'n onderêen ut wie dat er noo de fynalleronde mag. De beste 5 verlYzers weird'n ôok ipgevist en zo koomn we tot 30 dêelnemers in de twêede ronde.
[bewerk'n] Recente winnoars
Noast de winnoare per schanse, es't er ôok een regelmoatigheidscriterium. Deen die de mêeste puntn gehoald eit over de vier schansn tôope, es eindwinnoare. De latste 10 joarn es het vierschansntoernôoi gewonn deur:
- 2006: Janne Ahonen (
) en Jacub Janda (
) , een unicum - 2005: Janne Ahonen ()
- 2004: Sigurd Pettersen (
) - 2003: Janne Ahonen ()
- 2002: Sven Hannawald (
). De ênigste schansspringer die olle viere de wedstrid'n koste winnn in êen joar. Ie eit er êeuwige roem mee verworvn. - 2001: Adam Malysz (
) - 2000: Andreas Widhölzl (
) - 1999: Janne Ahonen ()
- 1998: Kazuyoshi Funaki (
) - 1997: Primoz Peterka
