Bastille

vanuit Wikipedia, die vrye ensiklopedie.

Die Bastille (wat eintlik "'n versterkte kasteel met torings" beteken) is die ou burg van Parys. Tydens die heerskappy van koning Lodewyk XVI dien dit as staatsgevangenis en word 'n simbool van die dwingelandy van die absolutistiese monargie. Op 14 Julie 1789 storm die Paryse burgers die Bastille. 'n Verdere styging in die reeds baie hoë broodprys gee die aanleiding tot die onluste. Hoewel die betekenis van die storming destyds oordrewe word, is dit as begin van die Franse Rewolusie 'n gebeurtenis van groot simboliek en word in Frankryk nog steeds as die Fête Nationale (Nasionale Dag) gevier. Van die Bastille self het niks oorgebly nie, behalwe vir sy ou sleutels wat vandag in die museum Hôtel Carnavalet in Parys bewaar word.