Front National
vanuit Wikipedia, die vrye ensiklopedie.
Die Front National (FN) is 'n ver regse nasionalistiese politieke party in Frankryk, gestig in 1972 deur Jean-Marie Le Pen. Die FN beweer dat hulle omtrent 60 000 lede het. In die Franse 2002 presidensiële verkiesing het Jean-Marie Le Pen tweede na Jacques Chirac gekom.
Alhoewel die FN homself as 'n hoofstroom regse party beskryf, word hy in die media en deur akademici beskryf as ekstreem regs en selfs anti-semities.
[wysig] Politiese raamwerk
Die Front National staan vir 'n terugkeer na tradisionele waardes en 'n herinstelling van die doodstraf. Die FN is gekant teen immigrasie veral van islamitiese lande. In die 1995-verkiesing het Le Pen voorgestel dat "drie miljoen nie-Europeërs uit Frankryk verwyder moet word op 'n humanitêre manier."
