Kasjoebies
vanuit Wikipedia, die vrye ensiklopedie.
Kasjoebies is 'n Wes-slawiese taal, wat in die ooste van Pommere (Kasjoebies: Pòmòrskô, Pòmòrze), tussen Słupsk en Gdańsk in Noord-Pole gepraat word. Hulle taal is die voortsetting van die Elbe- en Oosseeslawies, wat vroëer tot in Nedersakse gepraat is, maar waarvan die westelike variant, Polabies in die sewentiende eeu uitgesterf het.
Die aantal sprekers van die taal is nie meer as 3 000 nie, al is die aantal mense wat hulle as Kasjoebe beskou veel meer: circa 100 000 [www.ethnologue.com]. Die oorgrote meerderheid praat 'n Poolse dialek en glad nie Kasjoebies nie. Die meeste sprekers woon op die platteland, maar die belangrikste kulturele instellings van die Kasjoebiese gemeenskap bevind hulle in Gdańsk/Danzig.
Daar is 'n Kasjoebiese emigrantegemeenskap in Kanada.
Sedert April 2004 bestaan daar 'n Kasjoebiese Wikipedia.
| Indo-Europese tale > Satem-tale > Slawiese tale > | ||
| Wes-Slawiese tale: | Oos-Slawiese tale: | Suid-Slawiese tale: |
| Kasjoebies | Polabies | Pools| | Slowaaks | Sorbies | Rusyn (Rusnak) | Tsjeggies | Oekraïens | Russies | Rusyn (Roeteens) | Wit-Russies | Bulgaars | Macedonies | Kerkslawies | Sloweens | Serwo-Kroaties (Bosnies, Kroaties, Serwies) |
