Ontugwet
vanuit Wikipedia, die vrye ensiklopedie.
Die Ontugwet (Wet No. 21) van 1950 is 'n wet onder die Apartheidstelsel wat die vroeëre verbod op seksuele verhoudinge tussen lede van die wit rassegroep en die swart rassegroep wat deur die Ontugwet No. 5 van 1927 daargestel is uitgebrei het om seksuele verhouding tussen blankes en lede van alle ander rassegroepe te verbied. Dit was een van die mees omstrede wette van Suid-Afrika onder Apartheid. Die wet was daarop gemik om die meng van rasse binne die huwelik en ander seksuele verhoudings te verhoed.
Die Wet op Verbod van Gemengde Huwelike en die Ontugwet was van die eerste belangrike stukke apartheid wetgewing. Gemengde huwelike is in 1949 in Suid-Afrika verban.
Onder die vaandel van die ontugwet het die Suid-Afrikaanse Polisie gemengde paartjies wat daarvan verdink is dat hulle in 'n seksuele verhouding verkeer het vervolg. Verdagtes se privaatheid is in die proses geskend, huise ingedring en deure oopgestamp.
Die Ontugwet en die verbod op gemengde huwelike is van die eerste apartheidwette wat weer afgeskaf is en is reeds in 1985 terwyl Pieter Willem Botha nog President was.
