Horgen ZH

Us der alemannische Wikipedia, der freie Dialäkt-Enzyklopedy

De Artikel isch über d'Gemeind Horge im Kanton Zürich

Horge isch e politischi Gemeind und de Hauptort vom Bezirk im Kantôn Züri i de Schwiiz.

Wappe
Bild:Wappen-Horgen.png
Zahle
Kanton:	Kanton Zürich
Bezirk:	Bezirk Horge
BFS-Nr.:	133
Flächi:	2107 ha
Koordinate:	47° 16' n. Br., 8° 36' ö. L.
Sprach:	Züritüütsch
Amtssprach:	Deutsch
Höchi:	408 m ü. M.
Iinwohner:	18'303 (31. 12. 2005)[1]
Gemeindspräsidänt:	Walter Bosshard (FDP)
Weblinks:	http://www.horgen.ch http://www.horgen.net http://www.horgen.org

[ändere] Allgemeins

Horge liit am lingge, westliche Ufer vom Zürisee und isch öppe 18 km vom Kantonshauptort Züri weg. Es isch Teil vo de Agglomeration Züri. D'Iiwoner heissed Horgner. D'Gmeind isch öppe halbe mit Wald bewachse, ufeme Viertel tüends purä, en Achtel sind Hüser und de Rescht isch Strassä.

[ändere] Wappe

Im Wappe hätts en wisse Schwan uf rotem Tuech.

[ändere] Geographie

Horge liit am Hang vom Zimmerberg, das isch e Sitemoräne wo de Linthgletscher bi de letschte Iisziit ligge la hät. D'Gmeind gaht vom See über s'Sihltahl übere bis zum Albis.

[ändere] Politik

Z'Horgen hemer schwizerischi Basisdemokratie und a de Gmeindsversammlig (Legislative) dörf jede und jedi öppis säge, wo s'Schwizer Bürgerrecht hät und in Horge wohnt. De Gmeindrat ladt amigs zur Versammlig i, die wird im Schinzehof dure gfüert.

D'Mitglider vom Gemeindrat (Exekutive) händ jede es beschtimmts Amt. Die acht Gmeindröt und de Presidänt werded a de Urne gwählt.

[ändere] Wirtschaft

[ändere] Induschtrie

D' Induschtrialisierig het z'Horgen sit Mitti vom 19. Jahrhundert starchi auswürkige gha. Zerscht isch es d'Sideninduschtrie gsi, spöter au d'Maschineninduschtrie. Vili grossi Fabrike hend vo Afang a en grosse Teil exportiert.

[ändere] Dienstleischtige

Im 20. Jahrhundert hets immer me Dienstleischitgsfime gä. Verwaltige, Versicherige, Forschingsanstalte, Verarbeitings- und Schulingzentren von Banke und Kreditchartegsellschafte sind hüt wichtigi Arbeitgeber.

[ändere] Vercher

D'Gotthardlinie vo de Bundesbahne (SBB) (vo Arth-Goldau dur de Zimmerbergtunnel) liit auf 483m.ü.M., d'Linie vo Chur liit auf 409m.ü.M., beidi füered wiiter seeabwärts Richtig Züri. Horge het 4 S-Bahnhöf (Horge See, Horge Oberdorf, Sihlwald, Sihlbrugg Station), en Anschluss a d'Autobahn A3, e Fähre uf Meilen und no d'Kursschiff uf em See. I de Gemeind fahred Büs.

[ändere] Büecher

Johannes Strickler: Geschichte der Gemeinde Horgen nebst Hirzel und Oberrieden. Festgabe zur hundertjährigen Kirchweihfeier. Schläpfer, Horge 1882
Paul Kläui: Geschichte der Gemeinde Horgen. Horge 1952
Gemeinde Horgen (Hrsg.): Horgner Jahrheft. Erschiint alljahr siit 1977.