Pfäffikersee

Us der alemannische Wikipedia, der freie Dialäkt-Enzyklopedy

Pfäffikersee

Datä
Laag:	Mittelland
Flächi:	3.3 km²
maximali Tüüfi:	36 m
Zueflüss:	Chämtnerbach
Abfluss:	Aa
Höchi über Meer:	537 m
Grösseri Ortschafte am Ufer:	Pfäffike ZH
Charte

Dialäkt: Züridütsch (See)

Dr Pfäffikersee isch en 3.3 km² grosse See im Zürcher Oberland, Schwiiz, mit eme Iizugsgebiet vo 40 km². Er liit inere Talniederig am Weschtrand vom Hügelgebiet im Zürcher Oberland. Dr See erschtreckt sich in Nord-Süd-Richtig zwüsched Pfäffike ZH und Wetzike ZH mit ere Längi vo 2.5 km und ere mittlere Breiti vo 1.3 km. Dr mittleri Seeschpiegel liit uf 537 m ü. M.; dr tüüfscht Punkt vom Seeboden erreicht 501 m ü. M., was ere maximale Tüüfi vo 36 m entspricht; di mittleri Seetüüfi beträit 18.5 m.

Einzige nennenswerte Zuefluss isch dr Chämtnerbach, wo im weschtliche Tössbergland zwüsched Bäretschwil und Fischetaal entschpringt und nach rund 8 km Lauf us Südoschte in Pfäffikersee mündet. D Aa verlaat de See wider nach Süüde und flüüsst zum Gryfesee. S Seeufer isch uf allne Siite usser im Weschte sehr flach.

Seeaateil händ s namesgebende Pfäffike, wo dr alti Ortschern nööch am Nordufer liit, s Buuredorf Seegräbe im Südweschten sowie d Stadt Wetzike im Süüde. S Gebiet um de Pfäffikersee isch bereits i dr Jungschteiziit besidlet gsii, wie zahlriichi Fund vo ur- und früehgschichtliche Sidligsreschte (Pfahlbaute) bewiised.

[ändere] Entschtehig

Dr Pfäffikersee isch im Lauf vo dr letschte Iiszeit entschtande, wo dr Linthgletscher im Molasseundergrund e übertüüfti Wanne zrugg glaa hät, wo sich nach em Rückzug vom Iis mit Wasser gfüllt hät. Dur e Endmoräne am Nordwescht- und Nordufer wird dr See gschtaut, so dass siin Abfluss nöd nach Nordweschte in Richtig Winterthur erfolge chann. Mit dr Ziit isch d Verlandig voraagschritte. Es hät sich fascht rund um de See en Schilf- und Sumpfgürtel bildet, wo im Süüde im Robehuuser Riet e Breiti vo öppe 1 km erreicht. Vom Aafang vom 18. Jahrhunderts bis öppe 1950 isch deet Torf gschtoche worde.

[ändere] Seegfrörni

Seegfrörni 2006

Bi länger anhaltender, sehr chalter Witterig chann dr Pfäffikersee im Winter zugfrüüre. Dezue bruuchts im Mittel e Kältesumme¢Chältisumme vo 120 Grad (im Vergliich: für de Zürisee sind 320, für den Bodesee 370 Grad notwendig). Für di offizielli Freigaab vo dr Eisfläche isch e Iisdicki vo 12 Zentimeter nötig.

Letschtmals isch s Iis vom 26. Januar bis zum 8. Februar und vom 10. bis zum 14. Februar 2006 freigeeh worde. Di gfroreni Seeflächi isch vo Zehntuusige vo Mensche us dr nächere und fernere Umgebig begange und zum Iislaufe gnutzt worde. Di vorletschti Seegfrörni isch im Jahr 2002 gsii.

[ändere] Naturschutzgebiet

Dr See mit siim Schilfgürtel isch es beliebts Natur- und Erholigsgebiet im Kanton Zürich¢Kanton Züri. Er schtaht under Naturschutz und ghört zu de Landschafte von nationaler Bedüütig. I de gschützte und nöd zuegängliche Rietbereiche findet mer e einzigartigi Flora mit typische Hochmoor- und Flachmoor-Pflanzengsellschafte.