Abella
De Biquipedia
| Abellas | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 |
||||||||||||||||||||||||
| Clasificazión zentifica | ||||||||||||||||||||||||
|
||||||||||||||||||||||||
| Familias | ||||||||||||||||||||||||
|
Andrenidae |
As abellas son inseutos boladors, emparentaus con as briespas y as formigas. Son adautaus t'alimentar-sen de néutar y tienen una funzión mui importán en a polinizazión de plantas con flors, por o que se dizen polinizaderas. As abellas tienen una luenga larga que emplegan ta otener o néutar d'as flors. Tienen tamién entenas compuestas de treze segmentos en os masclos y doze en as fembras. D'alas, en tienen dos pars, estando o zaguero o más chicot d'os dos. As suyas patas son adautadas ta cullir o polen y a péndiz d'o suyo estamaco ye un fizón que emplegan ta esfender-sen.
Se conoxen más de 16.000 espezies d'abellas y s'estima que esisten en total bellas 30.000 espezies. As abellas pueden estar solitarias u bibir en grans comunidaz de barios tipos.
A más enantadas d'istas son as colonias eusozials, trobadas en as abellas de miel y as abellas sin de fizón.
Se creye que a sozialidá eboluzionó de traza deseparada en os diferens grupos d'abellas.
Contenius |
[Editar] Abellas eusoziales
As abellas eusozials biben en grans arnas, cadaguna d'as cuals tiene una sola reina chunto con as abellas faineras y os abelloz.
O ziclo d'a bida d'os [bombolons] s'enzeta en a primabera cuan a reina dispierta d'a suya ibernazión. En ixe inte a reina ye a que fa tot o treballo porque encara no bi'n ha d'abellas faineras. A reina mira un puesto an construyir o suyo niedo y construye as brescas de miel. Ye tamién qui s'encarga d'a collita de néutar y polen. As colonias de bombolons mueren en agüerro, dimpués de criar una nueba chenerazión de bombolons reina, que perbiben endibidualmén en puntos amagaus. Curiosamén, bels bombolons reina se cubillan en ibierno en arnas de [abellas de miel]], an son trobadas a ormino muertas en a primabera por os arners (presumiblemén, muertas por as abellas de miel. S'esconoxe si beluna ha aconseguiu perbibir durante o ibierno en ixe ambién.
En o caso d'as abellas de miel, que perbiben como colonio durante o ibierno, a reina prenzipia a frecar en ibierno, parando-se t'a primabera. Iste comportamiento ye prebablemén autibau por a durazión d'o día . A reina ye a unica fembra fértil y pone toz os güegos, d'os cuals naxerán todas as demás abellas. Con eszeuzion d'a suya bolada d'apareamiento u o establimiento d'una nueba colonia, a reina no albandona cuasi nunca l'arna dimpués d'aber-se tornau as corcas en abellas crexidas. A reina pone cada güego en una zilla parada por as abellas faineras. O güego se creba y se torna en una corca u larba chicota que ye alimentada por as abellas anfermeras (abellas faineras que remanen en o interior d'a colonia). Dimpués d'alto u baxo una semana (pendendo en a espezie), a corca ye sellada en a suya zilla por as abellas anfermeras . En alto u baxo atra semana (nuebamén pendendo en a espezie), a corca surte como una abella crexida.
As faineras, igual como as reinas s'alimentan de jalea reyal mientres os primers tres diyas d'o estau de larbal. Dimpuesas, as faineras cambian ixa dieta por una de polen y néutar u miel deluida, mientres que os larbas eslexidas ta estar reinas continan minchando jalea reyal . Isto fa que a corca se torne en pupa más rapedamén á más d'aumentar a suya grandaria y desembolicar-la secsualmén. Os criadors de reinas consideran que una buena nutrizión mientres o estau larbal ye de cruzial importanzia t'a calidá d'as reinas criadas, estando atros fautors importans a chenetica o numero d'apareamientos. Mientres os estaus larval y pupal, barios parasitos pueden enrestir á ra pupa u a corca, y destruir-la u mutar-la.
As reinas no son criadas en as tipicas zillas orizontals d'encobamiento d'a bresca, que as suyas zillas son de muita mayor grandaria, y en posizión bertical . Cuan a reina remata a suya etapa d' alimentazión larbal y se combierte en pupa, se muebe á una posizión cabeza abaxo , dende a cual se mincha a zilla ta salir. Mientres a etapa de pupa, as abellas faineras zaboyan u sellan a zilla . Chusto dimpués d'emercher d'as suyas zillas , as abellas reina produzen un soniu que se creye que ye un reto á luitar endrezau t'as atras reinas.
As abellas faineras son fembras [bazibo|bazibas]. Rechuman a zera emplegada ta construir l'arna y son tamién as encargadas d'escoscar y mantener l'arna, criar a os chobens, fer guardia y recullir o néutar y o polen.
En as abellas de miel, as faineras tienen un contenedor de güegos modificau en forma de fizón, que pueden fincar en un enemigo ta esfender l'arna , pero as abellas mueren poco dimpués de fizar, ya que ye parti d'o suyo sistema dichestibo ye auniu á lo fizón.
Os abelloz son as abellas masclo d'a colonia. No acosechan néutar ni polen. O prenzipal preposito d'ellos ye fertilizar á la nueba reina. Os abelloz copulan con a reina en plena bolada. Dimpués de rematar o cubrimiento, os abelloz mueren.
Se creye que en bellas espezies os abelloz desempeñan un paper importán en a regulazión d' a temperatura de l'arna . Os abelloz no en tienen de fizón, ya que son masclos, y o fizón ye en reyalidá un contenedor de güegos modificau.
As abellas reina biben un promeyo de tres añadas. As faineras biben sólo que mientres espuedas muito más breus, de menos de tres meses de meya.
As abellas de miel reinas libran feromonas ta regular as autibidaz de l'arna. Muitas faineras tamién en produzen ta comunicar-sen con atras abellas.
[Editar] Abellas campasolas, bezinals y cuasisozials
Belatras abellas forman colonias chicotas. Por exemplo, a mayor parti d'os bombolons (Bombus terrestris, B. pratorum, ezetra) biben en colonias d'unas 30 á 400 abellas, mientres que as arnas d'abellas de miel pueden acubillar entre 40.000 y 80.000 abellas en estiu . L'abella reina ye cheneralmén capable de perbibir por a suya cuenta por curtas espuendas (á diferenzia d'as reinas en espezies eusozials, que requieren ficazio espezial tot tot o tiempo).
Atras espezies d'abellas, como l'abella Orchard Mason (Osmia lignaria) y l'abella cornuda (Osmia cornifrons) son campasolas y todas as fembras d'a espezie son fértils. No esisten abellas faineras ta istas espezies . As abellas campasolas no preduzen miel ni zera en cheneral. Son inmunes á muitos d'os parasitos que afeutan á atras espezies sozials, pero tienen os mesmos parásitos, pestes y malotías.
[Editar] Nombres d'abellas en aragonés
abella abellaruelo abellero abellarot abellot bombolón
[Editar] Terminolochía d'o cultibo d'a miel
Arna | Arnero | Bresca | Eraje | Miel
