Bidas Paralelas
De Biquipedia
 |
|---|
|
|
|
|
|
|
|
|
|
|
|
|
|
|
|
|
|
|
|
|
Bidas paralelas (en grieco, Bíoi parálleloi; en latín, Vitae parallelae) ye o tetulo d'una obra d'o escritor grieco Plutarco. Ye tamién conoxita como Bidas d'os griecos e romans ilustres.
Ista obra consiste en una compilazión de 23 biografías d'ombres ilustres d'a Grezia e a Roma clasicas, en a cual ba acomparando -per ixo lo tetulo de bidas paralelas- os feitos e bertuz d'un grieco e d'un román. Manimenos, 4 d'as biografías son desparellatas.
No totas as biografías se conserban completas; muitas d'ellas tienen lacunas, partis que faltan u que son estatas rescritas per escritors posteriors.
A obra enfluyiría muito en os escritors de biografías europeus, una bez data á conoxer en Ozidén á partir d'o Renaximiento, e ye de gran importanzia per os conoximientos que alporta arredol d'os tiempos en que bibioron os protagonistas d'as biografías.
[Editar] Traduzión aragonesa
A traduzión ta l'aragonés d'a obra, feita grazias á la presenzia de Chuan Fernández d'Eredia en l'isla de Rodas, suposó la primer traduzión de Plutarco ta una luenga romanica, encargata per Eredia á o domenico Demetrio Taloquidi.
Coluccio Salutati, politico e umanista destacato d'a Florenzia d'o Renaximiento, se fizo con una copia d'a traduzión aragonesa antis de 1388 ta fer a suya traduzión italiana arredol de 1396, d'a cual tamién en saldrían belaltras traduzions.
Eredia emplegó a traduzión ta las suyas Grant Coronica de los Conquiridores e Grant Cronica de Espanya.
Os codizes con a traduzión, que pertenixioron á la biblioteca d'o rei de Nápols, se guardan en os Parisini esp. 70-72.
[Editar] Se beiga tamién
- Plutarco
- Tuzidides
- Chuan Fernández d'Eredia
