Adréi
De Uiquipedia
Adréi, revista de lliteratura, foi una publicación dedicada a la creación lliteraria, asoleyada n'Uviéu y que dirixeron los escritores Xuan Bello y Berta Piñán.
La revista nació nel añu 1986 y llegó a editar siete númberos.
Esta publicación trató de dir un pasu más allá de la revista de l'Academia de la Llingua Asturiana, Lletres Asturianes, yá que nesta última nun se producía ningún tipu de selección de la obra que se diba a publicar.
N'Adréi convivieron dos tendencies. Per un llau, como revista xeneracional, vieron la lluz trabayos d'autores coetáneos colos directores como Antón García, Concha Quintana o Xilbertu Llano. Per otru llau tamién tienen un llugar na revista autores más consagraos nun pasáu reciente, como Xuan Xosé Sánchez Vicente, o los vinculaos al Conceyu d'Asturies de Madrid como Alfonso Velázquez o Xosé Álvarez, Pin.
