Fernando Alba
De Uiquipedia
Fernando Alba (La Folguerosa, Salas, 1944) ye un escultor asturianu.
De neñu la so familia treslladóse a Grao y allí entamó a facer talles artesanales en madera. Col escultor Jorge Martínez Jordán aprendería dibuxu y modeláu, completando la so formación na Escuela d'Artes Aplicaes d'Uviéu y nel Círculu de Belles Artes de Madrid.
En 1966 entamó la so primera esposición individual na galería Benedet d'Uviéu. Los materiales empleaos pol escultor a lo llargo de la so carrera son diversos: madera, fierro, hormigón. Son bien reconocíos los sos trabayos sobre tueros vaciaos nel so interior.
A lo llargo de la xeografía asturiana pueden vese un buen númberu d'escultures de Fernando Alba de tipu monumental, fundamentalmente feches en fierro llamináu: Homenaxe a Clarín (L'Entregu), o Sombres de lluz (Xixón).
Anguaño además del so llabor artísticu ye profesor de la Escuela d'Artes y Oficios d'Uviéu.
Esti artículu ye un entamu, ampliándolu, ayudarás a meyorar la Uiquipedia
