Golda Meir
De Uiquipedia
Golda Meir (nacida Golda Mabovitz en Kiev y 3 de mayu de 1898-Xerusalén y 8 d'avientu de 1978). Fou una de las fundadoras del estáu d'Israel, u desempeñóu los cargos de Ministra de Trabayu, Ministra d'Esteriores y Primera Ministra dende'l 17 de marciu de 1969 ta l'11 de marciu 1974. Convirtiéndose, asina, na tercera muyer nel mundiu en pertener un cargu de tala importancia tres de Sirimavo Bandaranaike de Sri Lanka y Indira Gandhi de la India. El sou nome -de casada Golda Myerson- cambeóulu pa que'l sou apellíu significara n'hebréu amburare rellumantemente.
[editar] Orixen
La familia de Golda yera orixinaria d'Ucrania d'u emigróu pa los Estaos Uníos nos años 1903 y 1906, eillí asentórunse nel estáu de Milwaukee. Los sous país llevorun consigu tamién las tradiciones culturales y a la edá de 14 años Golda fou prometida a un home muito mayore qu'ella lo que fixo que fuxera del llar paternu pa cola súa hermana que vivía en Denver. U conocíu al sou futuru maríu Morris Myerson, con quien se casaría en 1917.
[editar] N'Israel
En 1921 Golda y la súa pareya decidiorun trabayar nun kibbutz nas Tierras d'Israel, entóncenes dientro del Proteutoráu inglés de Palestina, donde viviorun ta 1924. Emplegando el kibbutz como trampolín políticu a traviés del Histadrut u desendolcará una fuerte autividá política que la empobinará a que'l 14 de mayu de 1948, xunta outros 24 presonas, robre la Declaración del Entamu del Estáu d'Israel, seyendo una de las dúas muyeres presentes na auta. Al viniente día, Israel ye atacáu pol enxeme de fuercias formáu por Exiptu, Siria, Llíbanu, Tresxordania y Iraq; decidida a sacare alantre al sou país Golda Meir viaya a los Estaos Uníos; seirá la primera ciudadana israelina con pasaporte. Eillí consigue fondos pal xorrecimentu del Estáu d'Israel y la súa defensa. A la súa vuelta seirá nomada ambaxadora na URSS, cargu que pertendría fasta 1949, añu nel qu'entra a facere parte del Knesset ou Parlamentu d'Israel ta 1974.
[editar] Nel Gobiernu
- Dende 1949 a 1956 Ministra de Trabayu.
- Dende 1956 a 1965 Ministra d'Asuntos Esteriores; cargu que dexaría por mor del sou cansanciu que produxo qu'amaleciera.
- Dende 1969 ta 1974 Primera Ministra, escoyida pol Partíu Llaboral tres la muerte, de sutrucu, del enanterior Primer Ministru, Levi Eshkol.
El gobernu de Golda Meir pechóuse cola guerra de Yom Kippur onde los erros estratéxicos y la falta de llideralgu fixorun que dimitiera pa ser sucedida por Isaac Rabin. Golda Meir morriéu en Xerusalén y fou enterrada nel Monte Herzl allugáu nesta ciudá.
