Islles britániques
De Uiquipedia
Islles Britániques ye'l nome tradicionalmente emplegáu pa identificar l' archipiélagu d'islles asitiaes al noroeste de la costa europea compuestu por Gran Bretaña y otres munches islles menores prósimes. Tán separtaes de la Europa continental pol mar del Norte al este y pol canal de la Mancha al sur, demientres qu'al oeste y al norte llenden col océanu Atlánticu.
- Gran Bretaña
- Irlanda
- Islla de Man
- Islla de Wight
- Islles Orkney
- Islles Shetland
- Islla de Fair
- Islles Hébrides
y otres munches pequeñes islles qu'arrodien Gran Bretaña.
Les Islles Anglonormandes inclúinse tamién a vegaes nel archipiélagu, anque les razones pa facelo son más bien polítiques qu'estriutamente xeográfiques, por cuanto tán munchu más cerca de la costa francesa que de la inglesa.
L'usu del términu paez tar amenorgando, sobre too ente los propios habitantes de les islles, por mor de les sos connotaciones polítiques y históriques del términu. Mentantu toes pertenecieron al Imperiu Británicu, el términu caltúvose alloñáu de toa polémica. D'otra miente, cola independencia de la República d'Irlanda (a la vez que con una cierta medra del sentimientu diferencial en Gales y Escocia) parte de los sos habitantes considérenlo inaceutable, por remitir a un subordinamientu al Reinu Uníu qu'anguañu ye historia.
