José Manuel Fuente
De Uiquipedia
José Manuel Fuente , El Tarangu, nació’l 30 de setiembre de 1945, en Llimanes (Siero), y morrió n'Uviéu, el 18 de xunetu de 1996. Foi un ciclista profesional bien popular nos años setenta.
Formó parte d'una xeneración de ciclistes asturianos qu'algamó grandes triunfos: Vicente López Carril, Luis Balagué, Antonio Menéndez y José Casas.
El Tarangu entamó la so carrera profesional nel equipu Karpy, pero los sos grandes triunfos vendríen de la mano del Kas, col que protagonizaría delles de les etapes más mítiques y épiques de la historia del ciclismu xunto a los sos grandes rivales del momentu: el belga Eddy Merckx y el español Luis Ocaña. Esta rivalidá, y les mocionantes etapes que deparaben llevólu a ser bien popular tamién n'Italia, país nel que consiguió grandes triunfos nes etapes de montaña del Giro, especialmente nel de 1974, nel que consiguió vencer en cuatro etapes. Tamién el Tour de Francia foi testigu de los sos ataques na montaña ganando dos etapes seguíes nel añu 1971.
El so tarrén preferíu yeren los grandes cumales de montaña, onde atacaba d'una manera irreflesiva una y otra vez hasta dinamitar la carrera. Les sos famoses páxares impidiéron-y algamar mayores triunfos
La so última etapa como ciclista vivióla col equipu italianu Bianchi, aunque los problemes de salú que sufría lleváronlu a una retirada prematura.
Tres d'esta retirada, el que fuera director suyu nel equipu Kas, Antón Barrutia, dixó d'él que “se diba l'últimu dinamiteru de la montaña”.
[editar] Palmarés profesional
- 1970 Equipo Karpy
- 1º clasificación por puntos de la Vuelta a Asturies.
- 1º neoprofesional de la Vuelta a España.
- 1971 Equipo KAS
- 10ª etapa del Giro d'Italia (30 de mayu).
- 1º clasificación de la montaña Giro d'Italia.
- 14ª etapa del Tour de Francia (12 de xunetu).
- 15ª etapa del Tour de Francia (13 de xunetu).
- 1972 Equipo KAS
- 12ª etapa de la Vuelta a España
- 1º clasificación xeneral de la Vuelta a España.
- 1º clasificación de la montaña Vuelta a España.
- 4ª etapa del Giro d'Italia (24 de mayu).
- 17ª etapa del Giro d'Italia (8 de xunu).
- 1º clasificación de la montaña Giro d'Italia.
- 2º clasificación xeneral del Giro d'Italia.
- 1973 Equipo KAS
- 4ª etapa del Tour de Suiza.
- 5ª etapa del Tour de Suiza.
- 1º clasificación xeneral del Tour de Suiza.
- 1º clasificación de la montaña del Tour de Suiza.
- 19ª etapa del Giro d'Italia (8 de xunu).
- 1º clasificación de la montaña Giro d'Italia.
- 3º clasificación xeneral del Tour de Francia.
- 1º clasificación de la montaña del Tour de Francia.
- 1974 Equipo KAS
- 9ª etapa de la Vuelta a España
- 13ª etapa de la Vuelta a España
- 1º clasificación xeneral de la Vuelta a España.
- 9ª etapa del Giro d'Italia (25 de mayu).
- 11ª etapa del Giro d'Italia (27 de mayu).
- 16ª etapa del Giro d'Italia (2 de xunu).
- 20ª etapa del Giro d'Italia (6 de xunu).
- 1º clasificación de la montaña Giro d'Italia.
