Paulino Vicente (El Vieyu)
De Uiquipedia
Paulino Vicente Rodríguez (Uviéu, 5 de payares de 1900; Uviéu, 1990), foi un pintor asturianu, especialmente cultivador del retratu, magar que tamién pintó escenes costumistes, asina como paisaxe rural y urbanu.
[editar] Biografía
Paulino Vicente entamó los sos estudios na Escuela d'Artes y Oficios d'Uviéu, continuándolos darréu na Escuela Superior de Belles Artes de San Fernando, de Madrid, gracies a una beca que-y diera la Diputación d'Uviéu, onde formaría parte del grupu de la Residencia d'Estudiantes.
Depués d'una estancia de dos años n'Italia, asitiase definitivamente na so ciudá natal, Uviéu, en 1931. En 1933 algama la plaza de profesor de dibuxu d'Institutu mediante oposición, siendo docente nel de Sama y nel Femenín d'Uviéu.
Depués de la Guerra Civil trabayó en dellos encargos que-y ficieron les instituciones como la reconstrucción de la iconoteca de la Universidá d'Uviéu, que fuera destruída durante la Revolución d'Ochobre, tamién decoró'l Teatru Filarmónica, la Escolanía del Santuariu de Cuadonga, o'l ambulatoriu de Sama.
El 28 de marzu de 1979 foi nomáu Fíu Predilectu d'Uviéu.
Foi padre del tamién pintor Paulino Vicente (El Mozu).
