Polu Norte
De Uiquipedia
Denómase Polu Norte al que ta nel estremu Norte d'un planeta. Ye'l llugar nel que l'exe de rotación del planeta corta la superficie. Tolos planetes y satéllites tienen un polu Norte que defínese d'esta manera y que nun ye ñecesariamente perpenducilar al exe de traslación (por exempluo na Tierra tien un ángulu de 23,5 º y n'Uranu 90 º).
El polu Norte terrestre atópase nel Océanu Glacial Árticu, au'l mar ta tapecíu por un casquete de xelu o banquisa, y estrémense cuatro polos: el magnéticu, el xeográficu, el xeomagnéticu y l'hestóricu.
Robert Edwin Peary foi el primer esplorador qu'aportó al polu Norte, en 1909, xunto al so asistente Matthew Henson y cuatru esquimales.
[editar] Norte magnéticu
El polu Norte magnéticu terrestre atópase a unos 1.600 qm del polu Norte xeográficu, cerca la islla de Bathurst, na parte septentrional de Canadá, nel territoriu de Nunavut. Magar que magnéticamente falando nun ye esautamente un polu norte, sinón un polo sur que d'avezu llámase asina pa estremar que se fala dl Norte que marca la brúxula y non del "real" que d'avezu trayen los mapes. Esti llugar camudó de contino a lo llargu'l tiempu, y n'otres ocasiones tuvo situáu nel hemisferiu sur a cuenta de les inversiones periódiques del campu magnéticu terrestre. Una brúxula asitiada horizontalmente nesti polu, apuntaría a cualsiquier direición y si tuviere mui averada, tendría un erru considerable pues nes más de les brúxules l'aguya diba tender a apuntar p'abaxo.
Les brúxules nun apunten al polu Norte xeográficu sinón al polu Norte magnétiuo , que defínese como'l llugar au'l campu magnéticu ye perpendicular a la superficie, polo qu'en llatitúes altes son abondo imprecises.
