Quique Faes
De Uiquipedia
Quique Faes (Xixón, 1975) ye un escritor asturianu. Por edá pertenez a esa que se vien por llamar Tercera Xeneración del Surdimientu, siendo una de les sos figures más prolífiques. Llicenciáu en Ciencies de la Información, trabayó pa dellos medios de comunicación rexonales de prensa escrito, asina como periódicos dixitales como Asturnews.
Nel planu lliterariu ye autor de tres noveles: Memoria (1998), Malena fecha de sol y de fresa (2000) y L’agobiante imperfeción de les coses (2002); asina como dellos cuentos espublizaos en revistes lliteraries y recopilaciones. Cuenta amás con una bayura de premios na modalidá de cuentu curtiu (Tertulia cultural El Garrapiellu, Concursu de cuentos pola Oficialidá, etc.). Destaca la orixinalidá de la so narrativa, qu'entemez los elementos absurdos o estraordinarios cola denuncia social. En tou casu dende una perspeutiva novedosa y d'un cuidáu usu del llingüax averáu, de xemes en cuando, a la prosa poética.
Esti artículu ye un entamu, ampliándolu, ayudarás a meyorar la Uiquipedia
