Monarchie

Aus Wikipedia

Der Artikl is im Dialekt „Mingarisch“ gschriem worn.

De Monachie is a Regierungsfoam, de wo in de meistn Ländan nimma existian duat. As bsundas schlechde Årt vo da Monarchie is de Diktatur.

Bei da Monachie steht a adliga Herrscher mit unumschränkta Machd an da Schbitzn vo am Staat, de wo eahm vo Gott seywa gehm woan is (g'nannt Gottesgnantum). De oane Foam is de Eab-, de ondane de Woimonachie; bei da Eastan geht de Kini- oda Kaisawüadn vom Vater auf'n Buam üwa, bei da andan wead da Herrscha vom Voik oda vo andane Adlige g'weyt.

An eastn Äaga ham de Monachen bei da Franzesischn Rewolution kriagt, wo's naus g'schmissn woan san. In Deitschland gibt's seit'm End vom Easten Weytkriag koane Kini und Kaisa mea und seit am Ende vom Zwoaten Weykriag koane Diktatur mea.

Heit gibt's de Monachie fåst nua no in Foam vo da Pallamentárischn Monachie, des hoaßt, da Kini stehd am Parlament voa, hat awa koane b'sundanen Rechde meah.

[dro wärkln] Monachie in Bayan

→

Dèr Àrtikl odà dèr Åbsåtz stöd nuà dè Situàtion in Baiarn dår. Hüf mid, dè Situàtion zu vàoigmoà.

In Bayan is de Monachie mit da Familie vo de Widdlsbocha (Wittelsbacher) eng vabundn, de seid am 1180a Johr de Herzöge vo Bayan gwen san; oiso üba 800 Johr Bayan regierd hom. Erscht mid am valorna Griag gega de Preißn im 1866a Johr is bergob gonga. Noch am Johr hom de Preißn de Bayan militärisch kontrollierd. 1871 hot dann ano da Kini am Preißnkini de "Kaisawürd" odrong miaßn. So hom `s as Zwoade Deitsche Reich gründn kenna und Bayan war nimma souverän, sondan a Teil vom Deitschn Reich. Am End vom Groaßn Griag (1914-1918), den de Preißn ogführt hom, woidn vui Bayan nimma lenga mit eana weidamocha und so san de Soze aufkema, hom im Novemba 1918 an Millibauer verjongd und de Republik ausgrufa. Abdankt hot da Millibauer oba ned.

In Bayan gibts oiso offiziell koa Monachie mear. Da heitige Tronfoiga war da Prinz Franz vo Bayan und noch eam sei Bruada Prinz Max vo Bayan. Wei dea a koan Sohn ned hod, weards dann noch eam sei Vetta Prinz Ludwig Karl vo Bayan wern und noch eam sei Sohn, Prinz Luitpold vo Bayan, da Bierbrauer (König Ludwig Schlossbrauerei Kaltenberg).