Kate Roberts

Oddi wrth Wicipedia, y gwyddoniadur rhydd.

Yr oedd Kate Roberts (13 Chwefror 1891 - 4 Ebrill 1985) yn llenor disglair yn y Gymraeg. Fe'i ganed ym mhentref Rhosgadfan, yn yr hen Sir Gaernarfon (Gwynedd) a bu farw yn Ninbych. Gelwir Kate Roberts yn "Frenhines y stori fer".

Taflen Cynnwys

1 Ei oes
2 Ei waith llenyddol
3 Llyfryddiaeth
- 3.1 Gwaith Kate Roberts
- 3.2 Llyfrau am Kate Roberts
4 Cysylltiadau Allanol

[golygu] Ei oes

Ganed Kate Roberts yn y bwthyn teuluol Cae'r Gors, yn Rhosgadfan ar lethrau Moel Tryfan. Roedd ei thad yn chwarelwr. Yn ddiweddarach byddai'r bywyd yng Nghae'r Gors a'r pentref yn genfdir holl-bwysig yn ei waith llenyddol cynnar. Mae ei gyfrol hunagofianol Y Lôn Wen yn bortread cofiadwy o'r ardal yn y cyfnod hwnnw. Mae bwthyn Cae'r Gors wedi'i atgyweirio a'i droi'n amgueddfa i'r awdures, a hynny ar ôl brwydr hir iawn i gael yr arian i wneud hynny.

Astudiodd Gymraeg yng Nholeg Prifysgol Cymru Bangor. Bu'n athrawes yn ne Cymru am gyfnod.

Gyda'i gŵr, Morris Williams, roedd hi'n rhedeg Gwasg Gee yn Nimbych. Buodd ei gŵr farw ym 1946, a bu'n rhedeg Gwasg Gee am 10 mlynedd ar ei phen ei hun.

[golygu] Ei waith llenyddol

Yn ei blynyddoedd cynnar fel llenor ygrifennai nofelau a storïau byrion am dlodi a chaledi ardal y chwareli yng ngogledd Cymru. Yn ddiweddarach, ar ôl symud i Ddinbych a phriodi, troes at ysgrifennu nofelau a straeon mwy seicolegol gydag unigrwydd yn thema amlwg ynddynt. Cyfieithwyd rhai o'u gweithiau i'r Saesneg ac i ieithoedd eraill.