Akvedukto
El Vikipedio
Akvedukto estas kondukilo destinita transporti akvon. En la roma imperio ĉiu granda urbo havis akveduktojn. Romo havis 11, el kiuj la plej longa estis la Aqua Marcia, kiu longis 91 km, el kio 80 km estis subtere, 0,8 km surtere, kaj 10,4 km estis sur pontoj.
Imponaj ankoraŭ nun estas la akveduktoj Anio Novus kaj Claudia en Romo je la Porta Maggiore, unu super la alia. Estas interesa ekskurso, sekvi tiujn akveduktojn ĝis la campagna ekster la urbo.
Aliaj akveduktoj:
- Segovia Hispanio
- Nimes Francio parto de ĝi estas la Pont du Gard
- Tarragona Hispanio
- Side Turkio
- Kartago Tunesio
- Merida (du akveduktoj) Hispanio
- Kolonjo Germanio
En la urboj la akvo estis distribuita per tuboj. Materialo de la tuboj estis argilo aŭ plumbo. En Pompeji oni povas vidi la sistemon de plumbaj tuboj. La akvo estis kondukita al ĉirkaŭ 40 publikaj fontanoj, banejoj kaj necesejoj, krome al la domoj de privilegitaj privatuloj.
