Anseroformaj birdoj

El Vikipedio

?Anseroformaj birdoj

Cygnus cygnus

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Birdoj Aves
Ordo:	Anseroformaj Anseriformes Wagler, 1831

Familioj

Anhimedoj Anhimidae
Anseranasedoj Anseranatidae
Anasedoj Anatidae
†Dromornithidae
†Presbyornithidae

La ordo Anseroformaj (Anseriformae) enhavas ĉirkaŭ 150 speciojn de birdoj en tri familioj: la kriuloj (alinome Anhimedoj), Anseroanasedoj (la piga ansero) kaj la Anasedoj (la plej multaj) kiu enhavas 140 specoj da akvaj birdoj, inter ili anasoj, anseroj kaj cignoj.

Ĉiu speco de tiu ĉi ordo estas adaptita je akva vio surface. Pro tio ili havas membranajn piedojn (kvankam kelkaj vivas ĉefe surgrunde).

[redaktu] Evoluo

Oni diras, ke Anseroformaj devenas de kiam du grupoj de filtristaj birdoj disiĝis el Ĥaradriformaj (pluvioj, mevoj kaj aliaj) disvolvigante malsimilajn metodojn filtri manĝaĵetojn el akvo. Fenikopteroj disvolvigis specialan filtran strukturon en la suba parto de iliaj bekoj. La praanseroformaj disvolvigis la bekan strukturon kiun ankoraŭ ili havas. En specifa interna beka formo adaptita lango funkcias kiel pumpilo, kiu enmetas akvon en la bekan pinton kaj elverŝas ĝin ambaŭflanke kaj malantaŭe; maldikega filtriletaro deprenas la etajn manĝajerojn kiuj estas absorbitaj kaj englutitaj. Ĉiuj anseroformaj posedas tiun bazan strukturon, sed multaj el ili disvolvigis malsimilajn manĝantajn metodojn: anseroj elplukas plantojn, segilbekaj anasoj fiŝkaptas, eĉ kriuloj, kiuj havas bekojn ŝajne kiel tiuj de anasoj, ankoraŭ havas prafiltrilojn.

[redaktu] Taksonomio

La Anseroformaj kaj Kokoformaj (fazanoj, ktp.) estas prabirdoj inter Novaj Makzeloj, do ili venas post strutoj kaj tinamoj en plej klasifikaj sistemoj.

ORDO ANSEROFORMAJ
- Familio Anhimedoj
  - Anhima, 1 specio
  - Chauna, 2 specioj
- Familio Anseranasedoj
  - Piga ansero
- Familio Anasedoj
  - Subfamilio Dendrocygninae: 10 specioj de fajfaj anasoj.
  - Subfamilio Thalassorninae: 1 specio, blankadorsa anaso.
  - Subfamilio Anserinae: 23 specioj de cignoj kaj anseroj.
  - Subfamilio Stictonettinae: 1 specio, lentuga anaso.
  - Subfamilio Plectropterinae: 1 specio, spronflugila ansero.
  - Subfamilio Tadorninae: 23 specioj de tadornoj.
  - Subfamilio Anatinae: ĉirkaŭ 71 specioj de plonĝanasoj.
  - Subfamilio Merginae: 20 specioj de maranasoj.
  - Subfamilio Oxyurinae: 8 specioj de rigidvostaj anasoj kaj aliaj.