Arba kuracado
El Vikipedio
Enhavo |
[redaktu] Arboj helpos vin.
Se vi havas kapdolorojn, se vi senĉese sentas vin malsanaj, se vi havas problemojn en amo, arbaro kuracos vin. Susurantaj arboj transdonos al vi sian grandegan energion, kvietigos vian animon kaj plifortigos vian organismon. Kiel eble plej ofte serĉu kontakton kun tiuj ĉi „samaritanoj de homaj animoj“. Ĉirkaŭbrakumu ilin, apogu je ilia trunko per la dorso kaj per la kapo. Metu sur ilin la manojn, ŝatu ilin kaj estimu ilin kiel sian plej bonan amikon.
[redaktu] Abio
Se vi havas abion en via ĝardeno, klopodu kiel eble plej fajne – plej ofte karesi iliajn branĉojn. Vi liberiĝos de bagatelemo, pesimismo, egoismo, via vivo ricevos „alian koloron“. Abio estis ĉiam simbolo de forto. Jam de mezepoko oni produktis el iliaj pinglofoliaro kaj rezino diversajn mediojn kun kontraŭinflama kaj antireŭmatisma efikoj.
Pro remaĉado de abia rezino plifortiĝas gingivo. Sidiga kaj varma banado en dekokto el abiaj branĉetoj subtenas kuracadon de inflamo de urinveziko.
[redaktu] Betulo
Betulo ebligas evoluigi intuicion, oni fariĝas sub ties influo pli perceptema. Se vi troviĝas en malagrabla situacio, se vi bezonas solvi ian problemon, alpaŝu al betulo kaj tuŝu per la polmoj ĝian trunkon. Ĉirkaŭbrakumu la trunkon kaj dum 14 tagoj vi trovos la plej bonan solvon. Precipe printempe, en la folioj kaj ankaŭ en la trunko de betulo estas granda kvanto de kuracigaj substancoj.
Betula suko plibonigas funkciadon de renoj, de urinveziko kaj tre bone ĝi agadas je haŭto.
[redaktu] Fago
Fago elbrilas eksterordinaran energion, ĝi agadas je homo ĝis distanco 15 m. Ĝi trankviligas animon, pensojn, ĝi forpelas malĝojon. Ĝi plibonigas koncentradon kaj kuraĝigas vivvitalecon. Kiu havas problemojn kun sangpremo, kiu vivas en ĉiutaga streso, tiu almenaŭ unufoje dum semajno dum 10 minutoj estus sidonta sub fago.
Fago agadas favore dum kapdoloroj. Dum migrenoj oni rekomendas kompresojn sur kapo el faga foliaro, sur kiun ni almetos malvarmigan malsekan viŝtukon.
[redaktu] Griotarbo
Griotarbo agadas al erotika tereno de homo, ĝi kuraĝigas sopiron je amo. Laŭ malnovaj mitoj en griotarboj loĝis driadoj. Printempe tiuj ĉi arboj fariĝis loko de iliaj amludoj. Tial tiuj ĉi arboj havas ian afrodiziigan aŭron. Se vi ne estas kapablaj tute liberiĝi en amoro, amori spontanee kaj ĝoje, griotarbo „forblokos“ vin.
Sidiĝu sub ĝi, apogu la dorson je la trunko. La plandojn almetu unu al la alia kaj spiru deprofunde almenaŭ dum tempo de 3 minutoj, plej bone ĉiutage. Teo el sekigitaj fruktoj de griotoj helpas kontraŭ tuso, suko el freŝaj fruktoj plialtigas sangpremon.
[redaktu] Kaŝtano
Kaŝtano kuracas vunditan animon, rompitan koron, ĝi forpelas timon. El ŝelo de junaj branĉetoj oni akiras preparaĵon, kiu plibonigas sangcirkuladon kuraĝigante metabolon. Arboŝelo estas uzata dum produktado de medikamentoj, uzataj ĉe malsaniĝo de vejnoj. Teo el kaŝtano (floro) deakvigas kaj fortigas ĉelaron.
[redaktu] Kverko
Kverko estis adorata kiel „sankta arbo“, ĉar kun personigo de vitala forto ĝi aktivigas energion, ĝi subtenas ĝustan sangocirkuladon kaj limfon. En granda elĉerpiĝo, grava malsano ni ĉiutage estus alpremontaj nin por kelke da minutoj al la trunko de kverko. Plej malfrue ĝis unu semajno okazos la tuta pliboniĝo de nia korpstato. Dekokto el kverkoŝelo kuracas per eminenta maniero haŭtmalsanojn, ekzemojn kaj ŝvelaĵojn.
[redaktu] Pino
Pro tuŝo je pino revenas al homo senta ekvilibro, harmoniiĝos la ekscitiĝinta menso. Magneta kampo de pino en agdistanco ĝis 5 metroj de la trunko de arbo trankviligas streson, koleron, ĝi donas pacon kaj internan harmoniigon.
Se vi estas ekscititaj aŭ malvarmumitaj, promenu tra pinarbaro, forta volo eliranta el tiuj ĉi arboj kaŭzos, ke spirvojoj liberiĝos kaj ankaŭ bronkoj komencos pli bone funkcii. Pina rezino kaj dekoktoj en koniferfoliaro plialtigas sangcirkuladon, trankviligas nervojn kaj mildigas tuson.
Pina oleo estas ideala por haŭto kaj se la oleo estas solvita en varma akvo, ĝi estas uzata dum inhaladoj.
[redaktu] Saliko
Forta elradiado de elektra kampo de tiu ĉi arbo rekte agadas je homa animo. Sed estas bezone esti singardema, ĉar ĝi plifortigas kiel pozitivajn tiel negativajn sentojn. Ĝi povas ekzemple plifortigi ankaŭ deprimecon.
Saliko plifortigas animan evoluon de infanoj kaj ĝi trankviligas sovaĝajn bestojn. Teo el salika ŝelo malaltigas febron kaj ĝi mildigas doloron.
[redaktu] Sambuko
Mallongaj momentoj de kontakto kun ĝiaj branĉoj sufiĉos, por ke laca homo eksentu alfluon de novaj fortoj. Tuŝoj de branĉoj de sambuko povas plibonigi nian certecon. Teo el floroj de sambuko havas forte ŝvitigajn efikojn kaj ĝi do sukcese helpas dum diversaj malvarmumoj kaj gripoj. Ĝi ankaŭ agadas kontraŭ retenado de akvo el homa korpo.
Energetika kampo de sambuko agadas urinige kaj tute ĝi deakvigas. Vundoj, ekzemoj kaj ulceroj resaniĝos pli rapide, se ni ofte restados en proksimeco de tiu ĉi arbusto.
[redaktu] Sorparbo
Sorparbo fortigas volon, ĝi klarigas menson, ĝi ŝirmas antaŭ negativaj pensoj. Magneta kampo de sorparbo ebligas al homo en ties proksimeco, por ke li pli multe konsciu sencon de la vivo, ĝi helpas lin al ĝustaj decidoj en gravaj vivsituacioj, oni fariĝas pli rezistema kontraŭ sia malfacila sorto.
[redaktu] Tilio
Tilio estas simbolo de amo, ĝi trankviligas animon, ĝi forigas malbonan humoron, ĝi kaŭzas alfluon de ardaj sentoj. Manĝonte oni rekomendas regule por momento sidi sub tiu ĉi arbo. Pli facile ni poste kapablos harmoniigi niajn sentojn kun la racio. Ni povas konfidi al tilio ĉiujn niajn „korajn suferojn“. Ĝi trankviligos ilin kaj ĝi pli vekos nian intuicion, por ke ni trovu tiun plej bonan solvon. Teo el tilia floro mildigas tuson kaj ĉiujn spirvojojn.
[redaktu] Postparolo
Arboj helpas nin. Ni eluzu el ili tion, kio estas en ili la plej brila – vitala forto.
