Beatrikso (Nederlando)

El Vikipedio

Beatrix

Antaŭulo:
Juliana

Reĝino
30-a de aprilo 1980

Beatrikso (nederlande Beatrix Wilhelmina Armgard van Oranje-Nassau) (31-a de januaro 1938) estas ekde la 30-a de aprilo 1980 Reĝino de Nederlando.

Beatrix naskiĝis je la 31-a de januaro 1938 en Baarn kiel la plej aĝa filino de Reĝino Juliana kaj Princo Bernhard. Ŝi fuĝis en 1940 kune kun la aliaj membroj de la reĝa familio al Britio. Poste ŝi iris kun sia patrino kaj sia fratino Irene al Kanado. En 1945 la familio Oranje revenis el ekzilo. Beatrix sekvis mezan klerigadon en la Liceo de Baarn. Poste studis juron en Leiden. Ŝi finis sian studon en 1961. Je la 31-a de januaro 1956 ŝi iĝis dekokjara kaj ekde tiu momento ŝi povus surtroniĝi kiam ŝia patrino rezignus la regadon.

Je la 1-a de majo 1965 ŝi estis kaŝe fotita kun ĝis tiam nekonata viro, kiu montriĝis esti Claus von Amsberg. Je la 28-a de junio 1965 ilia fianĉiĝo anonciĝis. La edziĝo okazis la 10-an de marto 1966 en Amsterdam. Estis indigno pri la fakto ke Claus estis germano; fumbombo eksplodis dum la ceremonio.

Je la 27-a de aprilo Beatrix naskis filon, princon Willem-Alexander, la unuan viran tronheredonton en 116 jaroj. En 1968 kaj 1969 princoj Johan Friso kaj Constantijn naskiĝis. En la tempo post sia geedziĝo Beatrix kaj Claus multe duonoficiale vojaĝis, interalie al Sovetio.

Je la 30-a de aprilo 1980 reĝino Juliana rezignis la tronon kaj Beatrix estis investita kiel reĝino. Kiel reĝino, Beatrix uzas ĉiujn eblecojn de sia ofico. Tion kauzas ŝia volema karaktero. Beatrix estas populara monarĥino. Ŝiaj hobioj estas skulptado, ĉevalrajdado kaj velado.

Je la 6-a de oktobro 2002 mortis ŝia edzo princo Claus.

Lau la konstitucio, la Reĝino estras la registaron. Tamen, ministroj respondecas pri la politiko dum la reĝino estas netuŝebla. La plej grava politika rolo de la reĝino estas la formado de registaroj. Tamen la gvida rolo de la ŝtatestro en ĉi tiu procezo estas tradicia, ĉar la konstitucio ne mencias ĝin. La reĝino ĉiujare malfermas la sesion de la parlamento (la Statoj Ĝeneralaj) kaj nome de la registaro eldiras la tiel nomatan Tronprelegon.

Beatrix havas la sekvajn titolojn:

Beatrix, je la Graco de Dio, reĝino de Nederlando

Princino de Oranje-Nassau

Princino de Lippe-Biesterfeld

Markizino de Veere

Markizino de Vlissingen

Grafino de Katzenelnbogen, Vianden, Dietz, Spiegelberg, Buren, Leerdam kaj Culemborg

Kastelgrafino de Antverpeno

Baronino de Breda, Diest, Beilstein, la urbo Grave, la lando de Cuijck, IJsselstein, Cranendonck, Eindhoven, Liesveld, Herstel, Warneton, Arlay kaj Nozeroy

Junkrino de Ameland

Damo de Borculo, Breedevoort, Lichtenvoorde, Loo, Geertruidenberg, Clundert, Zevenbergen, Hoge kaj Lage Zwaluwe, Naaldwijk, Polanen, St. Maartensdijk, Soest, Baarn, Ter Eem, Willemstad, Steenbergen, Montfoort, St. Vith, Buettgenbach, Niervaart, Daasburg, Turnhout, Besançon.